Kayna chishi, , Lenín Moreno Garcés, Mamallakta Pushak, Alimentación Escolar kamachiyta 17 nikita allichishka, tukuytaka 24 nikita mushukyachishkata, shinallatak sukta hatun churashakunata, pusak purichinalla nikikunata allichishkata chayachirka.
Kamachiy killkakkunaka, kunan wata sarun panchi killa, 13 punchapi, 96 apuchiwan arinirka, kay kamachiytaka Mauricio Proaño kamachiy killkak churashkami kan, chaytami Comisión de Educación, Cultura, Ciencia y Tecnología tantari allichishpa killkarka.
Mamallakta Pushak, mikuna murukunata katuk, rurukunata katuk, mana allí uksi mikunata katukpi, chayachikpi wanachinata riman, chaypak kay Sistema de Contratación Pública kamaywasi kamachiywan rikunata charin nishka, chaymanta uksi mikunakunata chayachina kan nirka.
Mana shuk samilla mikuta chayachichun mañan, chikan chikan murukunata, rurukunata, yuyukunata, llullu murukunata chayachichun mañan, chay mikunata mana mapayashka, mana wakllirishka kachun killkan, mikunata mana charik wawakuna ashtawankarin mikuchun shuyan. Wawakuna, imillakunata, yachakukkuna allí mikunata kushpa yuyay sapa kanka, yachaykunapi achkata ushanka riman.
Çhayta paktankapa Mamallakta alli mikunakunata yachakuk wamrakunaman, wawakunaman, imillakunaman yachana wasipi churanka, chay murukunaka hatun alli mikuyta, uchilla alli mikuyta charinka. Chaywan yachakukkuna alli yuyayta, alli yachayta hapinka, kipaman paykuna wiñashpa alli yachayyuk kanka.
Kay mikunakunaka Autoridad Sanitaria Nacional kamachik mañashkatami paktachinka, shinami llaktakunapi kawsak runakuna, wawakuna, imillakuna, pakta runakuna mana alli mikuyta hapik anchurinka, upyaykuna, chakishka mikunakunapash ushayta kuk mikuykunami kanka.
Yachana wasikunaman mikunataka pakllapi, yunka llaktapi, yanallaktapi kawsak runakuna tarpushka, pallashka chakra murukunamanta llukshishka uksi mikunakunami kanka, mana yapa kullkipi rantishka mikunami kanka.
MG/cz/jc-kichwa
