Mamallakta unkuymanta hatun llaki kawsakukpi kayna chishi Instituto Ecuatoriano de Seguridad Social (IESS) llankayta rikunkapa Derechos de los Trabajadores y la Seguridad Social, Karina Arteaga Muñoz pushashka tantarirka, chay kamaywasika Mamallaktapi llankakushkata riksichirka.
Kay Social (IESS kamaywasi Mamallaktapi unkukkunaman, hamikkunaman, llaktayukkunaman hampita kushpa, yanapayta kushpa llankana kan nirka.
Shinallatak, hampi kipikunata mana kushpa llakita charishkata rimarkakuna, runakunata mana kamashkamanta atirkakuna, unkuy hapishaka runakunaman hampita mana chayachishkata yachakchayarka.
Hampikkuna
Kamachik Ángel Loja, IES kamaywasita pushak, kallari unkukkunata riksishpa, paykunata yanapashkata willarka. Kay IESS kamayawasi imashina unkushkakunata yanapashkata riksichirka, tiksi hampi mitachikunata kushkata willarka, shinami punchanta kunankama katikunchik nishpa riksichirka.
Yuyak runakuna paykunapak wasimanta llankachun mañashka karka, churashka kamachiyta riksishka kipa hampikkunata mana kachashka karka. Wakin hampina ukukunapika yuyak runakuna tiyan, paykuna yalli kamashpa llankanchik nirka, sapan hampik wasikunaman, ukukuman imashina unkukkunata chaskinata yachachishkanchik nirka.
Kunankama llankakkuna mana yanka surkushkanchik, kipamanka chay Decreto Ejecutivo kamachiyta Mamallakta Pushak churashkata sumaychanchik, chaymanta llankakkunapak hayñita sumaychanchik, sumaychashpa katichunrak rimarka.
Hampikkunamanta rimashpaka chay 101 hampina wasikuna unkukta chaskishpa katichun, hampikunata rantichun, yachaykunata kachashkanchik nirka, chay Covid 19 unkuywan kimirik llankaykunata, mitachikunata kuchun mañanchik, chaytami paktachichun shuyanchik, Loja rimarka.
Kay rimanakuymanka Karina Arteaga, tantarita pushak; Vicente Taiano kipapushak; shinallatak Roberto Gómez, Cristina Reyes; Bairon Valle; Marcela Holguín; Verónica Arias; Fausto Terán; Rina Campain, Alberto Arias kamachiy killkakkuna karumanta rimarka.
RSA/cz/jc-kichwa
