Allikawsay minkashka Covid-19 unkuyta harkankapa hatun kamachik kullkita churachun mañarka

Miércoles, 25 de marzo del 2020 - 16:16 Imprimir Elaborado por: Sala de prensa

Kay Comisión del Derecho a la Salud tantari, William Garzón pushashka, 11 apuchiwan, Covid-19 unkuyta harkankapa hatun kamachik kullkita churachun, llankaykuna mirarichun, hampi kipikunata kuchun, hampishpa llankakkunata kamachun mañarka.

Shinallatak Coronavirus. (Covid-19) unkuyta harkashpa mitachikkunata, yanapakkunata  kamachikkuna, chapakkuna kamachun mañarka.

Kay mañay pankaka, Ministerio de Economía y Finanzas kamachikta Mamallakta Pushak kullkita churachichun mañarka.

Paymi hampi kipikunata rantinkapa kullkita kunata charin nirka, chaypak shuktak llankaykunata samachishpa, chay kullkiwan COVID-19 unkuywan unkushkakunata hampik wasikunaman hampita rantishpa kachachun mañarka.

Shinallatak, Ministerio de Salud Pública (MSP) kamachik, COVID-19 unkuyta harkankapa runakunaman, llaktakunaman willashpa, unkukkunata ukllashpa sinchita llankachun, kay Equipo de Protección Personal (EPP) hillaykunata, ukllarina hampikunata chayachichun mañarka, tukuy hampina wasikunaman chayachichun yuyayta kurka. Runakaunapash paykunallatak hampirinata yachachikun, rimarka.

Hampishpa, unkuyta harkashpa llankakkunata, unkuyta takak runakunata, yanapak kamaywasikunata, antawata harkakta, mikunata katunaman chayachikkunata, murukunata aparimuk antawakunata, karumanta willakkunata, hampiwan mitachikkunata, hampikkunata aparik antawakuna achkata yupaycharka, yanaparka.

Mamallakta Tantanakuyta pushak Código de la Salud kamachiyta arininka, kamachiy killkakkunata kayachun mañarka, kay kamachiymi Mamallakta Hampishpa llankachun shuk sumak hillay kanka, shinami chay Sistema Nacional de Salud llika alli llankaykunata ruranka nirka.

Tuchinkapa, Comisión del Derecho a la Salud tantariman yaykurishka kamachiy killkakkuna, punchanta tantarinkapa arinirka, shina Mamallaktapak llankaykunata punchanta Mamakamachiy rikuchishkawan katishun, llaktayta chapashun, Ecuador  llaktapi unkuy llakita katishun, rimarka.

RSA/ea/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador