Mamakamachiypi, kamachiypi rimashkata paktachinkapa Ecuador Mamallaktapi hatun unkuymanta llaktakuna willashkata Comisión del Derecho a la Salud tantari, William Garzón, chaskinka, shina llankayta, llaktayta chapanka.
Kaya 27 puncha, 08:30 sayllamanta, karurichik ñanta katishpa, Quito llaktamanta, Manabí llaktamanta, imashina COVID-2019 hatun unkuy ayllukunata, llaktata, runakunata llakichishka riksichinka.
Shinallatak kay llaktakunapi unkuyta harkana hampikuna, kipikunata hapishka, chaywan llankashkata riksichinka, haputachinka.
Rimayta katishpa, Lenin Mantilla, chay Salud del Municipio del Distrito Metropolitano de Quito ukumanta killkakamayuk, kamachiy killkakkunaman Quito kitipak hatun kamachik unkuyta harkankapa harkashkata, hampikkunawan, kamaywasikunawan kimirishkata willanka.
Kutin, Manabí markamanta, Tito Nilton Mendoza marka pushak, chay llaktapi kawsak runakuna, ayllukuna, kamaywasikuna, kamachikkuna imashina hatun unkuyta harkakushkata, imashina hampirishkata willanka, riksichinka.
Tukuchinkapa, Esteban Ortiz Prado, Universidad de las Américas yachana wasimanta, Salud Pública y Salud Global hatun yachak, payka Southampton Inglaterra yachanawasipi yachak kan, payka amawta yachaymanta, Ecuador llakta imashina COVID-19 unkuy llakichikushkata willanka.
RSA/cz/jc-kichwa
