Kay Comisión de la Niñez tantari karumanta rimashpa rimankuyta charirka, chaypi kamachiypak kikikunata rikurka.
Shinami kari, warmi wawakunaman, imillakunaman yapa kullki chayachun mashkarka, chaytami kay kamachiywan kullki chayachun kamachik kamanka, rimarka.
Kullki tawata rikushpaka, kayta rurachun, mashka kulkita churanata mashnachun shuk kamachikta churana, kamachiy killkakuna rimarka, chaytaka Instituto Ecuatoriano de Seguridad Social (Iess) kamaywasiman, Instituto de Seguridad Social de las Fuerzas Armadas (Issfa) kamaywasiman, Instituto de Seguridad Social de la Policía Nacional (Isspol) kamaywasiman mashna kullkita churakushkata rikushpa, kay Corte Constitucional rimashka riksishpa churanka nirka.
Shinallatak wawapak tayta unkushka kashkata, tisiku kashkata, rukuruna kashkata rikushpa kullki tawata rurachun kamachiy killkakkuna mañarka, taytaka chunkachusku kullkimanta yachaypak kullkita kunata charin nirka, wawa, imilla kay kullkiwan kushilla sakirichun mañarka.
Wanachishka tayta, wawaman kullkita mana kushpaka ama ista llaktaman richun chay Dirección Nacional de Migración kamaywasiman kishpichik kamachik willachun mañarka. Kamachiy killkakkunaka wawaman, imillaman kullkita mana kushkamanta, uniyashkamantallami ista llaktaman rinata mana ushanka, rimarka.
Kay II kamupi taytamama wawakunata, imillakuna wiñachinamanta, yachachinamanta, karanamanta, churachinamanta, armachinamanta, kamanamanta, ukllanamanta ayllupash, hatun taytamamapash rikunata charin nirka, ayllullaktapash makita kuchun mañarka. Shinallatak tayta, pay llakita charishkamanta wichkana wasipi kashpapash, Código Civil kamachiyta katishpa kullkita kuna, chaypak Código de la Niñez y Adolescencia kamachiyta allichina, rimarka.
Kay Código de la Niñez kamachiyta ashtawan allichishpa katinkapa kamachiy killkakkuna shamuk hunkapi rimanakuyta charishun nirka, chaypi mushuk yuyaykunata churashun, rimarka.
JLVN/ea/jc-kichwa
