Mamallakta Tantanakuy, kay Covid-19 unkuy ñukanchik llaktapi hampi llaki, kullki waklliriy rikurishkamanta, kay “makita mana kushpa kimiripay” Ministerio de Inclusión Económica y Social llankay wasi shinallatak llakta pushak kayachishkaman kimrirka.
Mamallakta Tantanakuyta pushak, César Litardo Caicedo kamachi killkakmi, kay kayachishkaman kimirishpa Mamallakta Tantanakuy ukupi kayachirka, chaypimi kamachi killkakkunapash killa hapina kullkimanta 15% kararka (pichka puncha llankay) shinallatak llankakkuna, yanapakkunapash llakta mutsuyman kimirirkakuna, kay llakimanta utkashpa llukshinapak Ecuador llakta 17 hunu ayllukunata llakichikun.
Kay yanapay kullkika pawkar killa llankashka kullkimanta yanapaymi, shinapash, karanakuyka mirashpami katikun, shinallatak shuktak yanapayta chayachinatami munankunkuna. Kay kullkika wakcha llakipi kawsakuk ayllukunaman utkashpa chayachichunmi munnchik.
Mamallakta Tantanakuyka Ecuador llakta ayllukunapash makipurachunmi kayachin, shinaka, kay llaktapi yanapay kallarishka sinchiyachun shinallatak wakcha ayllukuna llakipi kawsakukta yanapanapakmi mashkakunchik, ninmi.
Chay pachallatak, shukllapak llaktapakpash llankay wasikuna kay yanapayman kimichichun kayachin, Ecuador llakta ayllukuna tukuylla makipurashpa kay llakimanta llukshinapak mashkakunchik, nin.
SV/cz/ceguacu
