Kamachik, César Solórzano Sarria, Mamallakta Tantanakuyta kipapushak, kamachiy killkakkunata 660 tantariman kayarka.
Chayka ayriwa killa, kulka, 2 puncha pusharinka, 09h30 sayllata kallarinka, chay hatun unkuy llakimanta rimanka.
Chaypak, Catalina de Lourdes Andramuño Zeballos, Salud Pública yallik hatun kamachikpak yuyayta chaskinka.
Shinallatak Víctor Paúl Granda López, Consejo Directivo del Instituto Ecuatoriano de Seguridad Social (IESS) paushakta chaskinka. Shinami Mamallakta Tantanakuy Mamallaktapak llankakkunata katinata paktachinka, hatun unkuy llakita rurakukta harkankapa yuyarinka.
Yallik hunkapi Mamallakta Tantanakuyka, chay Sistema Nacional de Salud, kay añawllawtu unkuyta harkankapa imashina llankanata arinirka, chaymanta kay unkuyta harkankapa kullkita churashpa, hampi kipikunata rantinkapa kullkita churachun kamachiy killkakkuna arinirka.
Mamallaktapak hatun kamachik chay hampinamanta llankakkuna, hampikkuna unkuyta harkak kipikunata charichun, paykuna ukunta kamarichun mañarka. Shinallatak willaykunata, hampikunata, ukllarina hillaykunata, chuya pintukunata, picharina yakuta charichun mañarka.
Mamallakta Tantanakuypak rimanakuyka, karurikurikmanta rimashpa pusharinka, imashinami Reglamento para la Implementación de las Sesiones Virtuales y Teletrabajo Emergente en la Asamblea Nacional uchilla kamachiypak 5, 6, 7 nikikunapi hapirishpa karumanta rimanakunka.
RSA/cz/jc-kichwa
