Llakta runakuman, yunkarunakuman, mishu runakuman, yanarunakuman, anchurishka Tagaeris, Taromenanes runakunaman, kay Covid-19 unkuy ama hapichun ñankunata, mushuk shuktak ñankunata mashkan.
Kaytami Grupo Parlamentario por los Derechos de los Pueblos y Nacionalidades tantarika, chay Organización Panamericana y Mundial de la Salud en Ecuador, Gina Watson kamachikman rikuchirka, hamutachirka.
Karumanta rimashpa, sumakruray patakupi rimanata yuyarirka, paykunapak kawsayta, kawsaytarpuyta rikushpa, paykunawan rimanakuna nirka, paykunaman ama hatun unkuy chayachun paykunapak llaktakunapi harkakunata churana nirka, kay unkuyta harkana llankayta chayachina, rimarka.
Kay Secretaria de Comunicación (Secom) kamaywasiwan yanapashpa, paykunapak rimaywan unkuymanta riksichishka, llaktakunapi kikin rimaypi willashpa yachachina. Chay llaktapi llankankapa, yanapankapa kullkita hatun kamachik churachun, shinapash paykuna maypi taririk, allikawsaypi imashina kakta riksina kan.
Kamachiy killkak, José Chalá, Grupo Parlamentario tantarita pushak, kitipi, kiti manya llaktakunapi llaki tiyan nirka, kay llakika Guayas markapimi shina kan nirka, 320 waranka yana runakumawanmi shina llaki tiyan nirka, paykunami yapa wakcha kan, mana alli kawsayta charin nirka. Shinallatakmi Esmeraldas markapi, Chota Imbabura llaktapi, Carchi llaktapi, Sucumbíos llaktapi kan nirka, Mamallakatapak yanapay mana chayan, reimarka.
Kay Jorge Mendoza kamachiy killkak, ñukanchik Mamallakta rikushpa, shuktak Mamallaktakunapi imashina kay hatun unkuyta harkakushkata willachun mañan. Kutin, Lenín Plaza kamachiy killkak, Sistema de Salud llankayta sapan paklla llaktakunapi sinchiyachina nirka, shina Ecuador llaktapi hatun unkuyta harkana kanchik nirka, pakllapi kawsak, kitipi kawsak runa, shinallatak alli hampikunata hapichun mañarka.
RSA/cz/jc-kichwa
