Kay II kamuta tukuchinkapa 17 niki sirin, chaypimi ayllu ukupi kari, warmi wawakunapak, imillapak hayñikunamanta riman.
Chaymanta Comisión Ocasional tantari, shukpak wawakunata imillakunata wiñachinamanta rimanaka, 07h30 sayllamanta karumanta rikushpa rimanakuy kallarinka.
Kari, warmi wawakunapak, imillapak munaykunata kuyashpa Comisión Ocasional tantariman yaykurishka kamachiy killkakkuna, wawata pushanata munakpak yuyaywan, wawapak aylluwan takarikta, mana takarik rikunka. Shinallatak wawata pushanata munakpak kullki, kawsay, mikuy shuktakyashkamanta, wawa mana amañarinamantapash rikunka.
Kay kamachiy rimashka ukupika, wawata pushata munakwan, wawawan aylluyarinamanmi kamayka pushan, chaymanta ña wawawan, mushuk taytawan riksinakuna, kawsanakuna, kuyanakuna pachaman yaykurin.
Kamachiywan wawata, imillata shutichishpa pushankapaka kay Código Orgánico General de Procesos kamachiy rimashkawan pakta kak, mana pakta kaktami atirinkakuna. Kishpiychik kamachik arinishpa churashkata 10 punchata yupashpami kamak kamachikman willashka kanka.
Kay kamachiypika wawata pushashpa wiñachinata imashina anchuchinatami willan, pankakuna wakllirishka kakpi, willaykuna, mayhan pushanata munak mana alli munaywan kakpi, mutsurisahka willaykuna panta kakpi, mañashka mana tukuy kakpi kishpiychik kamachik tukuy katikushkata washaman churanka.
JLVN/cz/jc-kichwa
