Kay Comisión de Fiscalización y Control Político tantari, Johanna Cedeño Zambrano pushashka, tantariman yaykurishka iskun kamachiy killkakkuna, César Litardo Caicedo, Mamallakta Tantanakuy pushakta, Mamallakta Mamakamachiypak 131 nikita Corte Constitucional kamaywasi rikuchun, mañachun arinirka.
Mamallakta pushak kachashka kamachik, Mamallaktapak llaktaywan, kullkiwan llankayta pushakushpa huchata charikpika, llaktay wanachita rurachun, kutintak ama hatun kamachik tukuchun, chayta paktachichun mañarka.
Chaypak, Mamallakta Tantanakuyta pushakka, kamachiy killkakkunata kayashpa, shuk hunta rimanakuypi kay Garantías Jurisdiccionales y Control Constitucional kamachiy, 155 nikipak, 2 yupaypi rimashkata katishpa kay mañashkata hapichun, atinakushpa arinichichun mañarka.
Kay 2020 watapi, kulla killa, 29 punchapi churashka kamamchiywsan arinishka Hatun killkakkunaka, hatun kamachikwsan paktami kan, shinallatak llankaytami charin, Mamallakta Mamakamachiypak 131 nikita, Mamallaktata pushak churashka Hatun Killakkuna, kamachikkunaka tukuylla llaktay llankayta charin nirka.
Shinallatak tantarishka, pusak kamachiy killkakkuna yanapaywan Fausto Terán, Luis Pachala, Eliseo Azuero, Alberto Arias kamachiy killkakkuna, uchilla tantariman yaykurichun yanaparka, paykunaka chay Instituto Ecuatoriano de Seguridad Social (IESS) kamaywasi ukupi Covid-19 unkuyta harkankapa hampikunata rantishpa yalli kullkita kushkata riksinkapa taripanka.
EG/cz/jc-kichwa
