Mamallakta Tantanakuypak 661 niki rimanakuy, kay wanra 07 puncha ayriwa killa kayachishka, kay llaktapi hampi llaki tiyashkata imashina chimpapuranamanta, Mamallakta Tantanakuyta kati pushak, César Solórzano ruanmi harkachirka, kay llakta tawka markakunapi zirma illashkamanta. Kay rimanakuyka kullka 09 puncha ayriwa killami 14:30 puncha kutin kallarinka.
Mamallakta Tantakuypi rimanakuyka 12h01 pachami 123 kamachik killkakwan kallarirka. Kayachishkata katishpa, llaktapi llankay wasikuna imashinalla paktakushkata riksinapakmi karka, kaypakka 13 tantanakuykunami rimanapak kayachishka karkakuna paykunami imashinalla llankak ayllukunawan paktarikushkata willana karka. Shinallatak Fuerzas Armadas shinallatak Policía Nacional tantanakuy kay Estado de Excepción punchakuna imashina paktarinata yuyarinkapak killkata arininka.
Rimanakuy kallarina ñawpaka punchapi llankana ishkay mushukyaytami arinirka, kayachishkapi kimichirka.
Kallaripika, Lourdes Cuesta kamachi killkak mañashka, kaypika Directorio del Instituto Ecuatoriano de Seguridad Social tantankuyta pushak, Víctor Paúl Granda López runata Llakta pushak llankaymanta llukshichichun mañan, llaktapak llankay wasi hatun pushakkunaka llankay pushanata yachak shinallatak riksishka allí runa kachun rikuna nin.
Ishkay niki mañayka, Raúl Tello kamachi killkak chayachishka, kaypika Mamallakta Tantanakuyman Ministro de Finanzas, Richard Martínez runata kayachin, kaypi imamanta ista llaktaman chayachina puchukay kullki kushkata willachun, shinallatak kay hunkuy llakikuna chimpapuranapak kullki chayachishkata, llaktapi llankakman killa kullki chayachishkata willachun.
Cuesta runa mañashka 110 apushitayta paktarka. Shinallatak Raúl Tello mañashkaman 108 apushitayta paktarka.
Kay rimanakuyka 12H51 pachami harkarirka, Mamallakta Tantanakuyta kipapushak, kay llakta tawka markakunapi zirma illashkata rikushpa harkachirka.
Kay rimanakuy kutin kallarinapak, kullka 09 puncha ayriwa killapak kayachishka, kaypika puncha llankanapi chusku yuyayta rikunka.
RSA/cz/ceguacu
