Kay Comisión de Justicia y Estructura del Estado tantari kunan puncha, 10h00 sayllata 067 yupay rimanakuyta charinka.
Chayapimi Función Judicial e Integral Penal kamachiyta allichinkapa atinakunka, antawa purishpa, sinkushpa ama yallichun harkana hawami ashtawankarin rimanka.
Kallaripika, kamachiy killkak, Ximena Peña, kay tantarita pushak, Mamallaktapak kamachikkunawan rimashkata, yuyarishka willayta riksichinka, kay willayka Covid-19 hatun unkuy hawa rimanakushkatami riksichinka.
Kay Tantarika Tito Puanchir, Karina Arteaga, Byron Suquilanda, Carlos Cambala kamachaiy killkakkuna churashka mushuk yuyaykunata tantachishpa killkarka, shinallatak yallik kamachiy killkak Luis Fernando Torres churashkata, katipika Mamallakta pushak ukumanta, (shuwayta harkak kishpiychik) yuyayta churashkata hapinka.
Kay Fiscalía General de Estado kamachik, Corte Nacional de Justicia kamachik, Consejo de la Judicatura kamachik, Defensoría Pública kamachik, Federación de Notarios kamachik, Colegio de Notarios de Pichincha kamachik, Secretaría Anticorrupción kamachik, Consejo de Participación Ciudadana y Control Social kamachik, Fundación Ciudadanía y Desarrollo kamaywasi kamachiy allichirichun yuyayta kurka, chaykunata hapinka.
Antawa llaki hawa Código Orgánico Integral Penal (COIP) kamachiyta allichinkapa, antawa llakita allichinkapa 21 mushuk yuyayta hapin, chayka: tukuy llakita allichina, antawa purichik kamchiyta pakishkata, huchata charishkata rikunkapa antawata hapishkata, machashka antawata purichishpa runata wañuchishkamanta, muspachik hampita apakushkamanta, shukta llakikunamantapash rikunata riman.
MG/cz/jc-kichwa
