Shinami Warmi ista yachakkuna karumanta llankay hayñi hawa, llankayta mushukyachina, shina llankachik mana shuwayta riksichin.
Shinami kikinllatak ayllupak alli kachun llankaktapash rikunata riksichin, paykunata Mamallakta yanapachun mañana nirka.
Shinami Heidy Balanda yachak, Adoración Guamán yachakpash yachachirka, paykunaka Colombia llaktamanta, España llaktamanta karka.
Warmi yachachikkuna kay del Covid-19 hatun unkuymanta Grupo Parlamentario por los Derechos de los Trabajadores y la Seguridad Social tantaripi karumanta llankana yachaytawillarka.
Kay yachaykunawan kamachiy killkakkuana, Comisión de los Trabajadores tantari, Mamallakta Tantanakuy, Mamallakta Pushak tukuysami llankayta ukllankapa shuk ñanta mashkana kachun, rimarka.
Chay Colombia llaktamanta Heidy Balanda yachak, payka asha asha karumanta imashina llankanata kallaripika pantarishpa yacharkani nirka, kipaman imashina katina ñanta rurarkani nishpa willarka. Chayka kimsa kallaritami charin: munayta, tawkasamita, karumanta kamay kamachiyta charina kan nirka. Chaykunata riksishpa llankachik, kawsaykamayta, llankashpa humpita shitashkamanta kullkita kunka, rimarka.
Paymanta, Adoración Guamán, karumanta llankay tuputaka Mamallaktami kuna kan, ashtawankarin hatun unkuy punchakunami Mamallakta rikunataa charin nirka. Kay Organización Internacional del Trabajo (OIT) tantarika llankakkunata llankaymanta surkushkatami willan, chayka ayllupak hatun llakimi kan. Kay llakitaka tukuylla kamaywasikuna, shukpaklla kamaywasikunami aparina kan, paykunami llankakta mana surkuna kan, rimarka.
Payka imashinami Bélgica llaktapi hatun unkuy tiyakpi yanapakta riksichirka, Mamallaktami tukuylla kamak kamaywasikunawan runakunata, llankaymanta 70% patsakri kullkita mañachishpa kun, sirikta llankachik paktachin, shinami llankakta llankaymanta mana surkun, kayka maymutsurikmi kan, willarka.
JLVN/cz/jc-kichwa
