Mamallakta Tantanakuy, kay Comisión de los Derechos de los Trabajadores y de la Seguridad Social tantariwan, Primer Foro Virtual rimanakuyta ruranka.
Shinami chay Covid-19 unkuyta harkankapa llankachikkunawan, llankakkunawan, kapuchikkunawan, amawta yachakkunawan rimanakuyta charinka.
Kay rimanakuypi tukuykuna tantarishpa wakcha runakunata yanapankapa shuk yuyarita charinkapami kan, coronavirus unkuyta harkana mushuk ñankunata mashkanata rimanakunka, tukuy Mamallakta hatun llakita charin nirka, shinami Karina Arteaga kay rimanalkuyta ushak willarka..
Kay rimanakuyka kunan puncha 17h00 sayllamanta, 19h00 sayllakama rimanakunka, chaypi Pablo Campana, llankakwasiyuk, Comercio Exterior y Productividad yallik kamachik, rimanka. Shinallatak Edwin Bedoya, Confederación Ecuatoriana de Organizaciones Clasistas de Trabajadores tantarita pushak rimanka.
Shinallatak, Solimar Herrera amawta, Universidad Central del Ecuador rimanka; José Villavicencio, Unión General de Trabajadores del Ecuador pushak, Jhonny Briones kamachiy yachak, Sindicato de Trabajadores del Gobierno Provincial de Manabí hatun killkak rimayta charinka.
Kay rimanakuywan kallarinchik, kipaman shuktak karumanta yachaykunata rurashun rimarka, kaymi Mamallaktapi mutsurin, chaymanta shukta Minkashka kamachiy killkakkunawan yachayta rimankuyta charichun mañarka. Shinami Régimen Económico tantariwan, Salud tantariwan, Educación tantariwan yachayta rurashun, willarka. Kay yachaytaka Instituto Ecuatoriano de Estudios Legislativos (IEEL), Conecta Law kamaywasiwan, Fundación Haciendo Ecuador kamaywasiwan rimanakuyta charishun rimarka.
RSA/cz/jc-kichwa
