Kay Grupo Parlamentario Fronterizo, kamachiy killkak Silvia Salgado pushashka, chaypi kak kamachiy killkakkunapak 13 apuchiwan, chay Convenio de Cooperación Interinstitucional yuyari, Ministerio de Telecomunicaciones (Mintel) kamaywasiwan, Corporación Nacional de Telecomunicaciones (CNT EP) kamaywasiwan rurashka yuyari ama tukurichun harkan.
Chaypika Infocentros Comunitarios llankay mana hatunyanka, chaymanta runakunapak hayñi, llaktakuna wiñarina llankaykuna kichkiyanka, rimarka.
Kay harkaytaka karumanta kikinllak kitipushak, shulkapushak kamachikkuna rimashkata uyashpami harkaymanta kamachiy killkakkunapash rimarka.
Chaypimi Infocentros Comunitarios kamachik, Defensor del Pueblo, Freddy Carrión kamachik rimarka, paylkunaka: internet llika willay, willana sumak ruraykuna, shuktakmitachikuna runakunata, ayllkukunata, llaktakunata achakta yanapakta willarka.
Kay willayllikata anchuchikpi chusku hunu, ishkaypatsak runakunata llakichinka nirka, astwankarin paklla shulkakunamanta 600 yachakukkunata llakichinka nishpa atirka, paykuna nikik ukupi amawta llankaykunata ruran nirka, paktarunakuna paykunapak yachayta chaypi paktachin rimarka, tantarishka yachanawasikuna, kay willayllikata mana charin, willarka.
Kunanpi hatun ukuymanta chaypi karumanta yachaykunata ruran, llaktayukkunapash karumanta rimashpa ayllukunaman willan, tukuylla awllikkunapash nikik ukumanta karullankayta ruran nirka. Chay hillayka mitachita kushkamanta watapi iskun hunu dólar kullkimanta mana wichman tukuchin nirka.
Mamallakta Pushak, Lenin Moreno Garcés anchuchina nishka, Ministro de Telecomunicaciones kamachik, Convenio Interinstitucional yuyarita anchuchina munashka washaman sakirichun mañarka. Kutintak chay hillay llankay kallarichun, ashtawan chay willayllika Mamallaktapak saywa llaktakunaman paskarichun mañarka. Paklla llaktakunman infocentros willayllika chayachun kamachiy killkakkuna atirka.
EG/cz/jc-kichwa
