Fernando Sánchez, Subdirector del Servicio Nacional de Atención Integral a Personas Adultas Privadas de la Libertad y Adolescentes Infractores (SNA IP) tantanakuyta pushak, Minkarishka runakunata wawakunapak wamrakunapak kamachiyta rurashpa yanapachun mañan shinaka kay kamachi mushukyachina kay ayllukunata rikuchun nin, shinallatak 18 watayuk wamrakuna llakichikpi wanachinapak wichkana wasita rurachun mañan.
Kay rikuyka, Minkarishka ukupi achka rimanakuytami kallarichirka kay Código de la Niñez y Adolescencia kamachiy mushukyachiypika shuk killapimi wamrarak llakichikpika ayllukunata yanapashpa paktarina nishpa rikuchin, shinallatak 5 watata wichkashpa wanachina nishpa rikuchin, wanachinaka 17 wata 11 killayuk kakpi kallarinka, wamrarak kashpa, ashalla pachapi rukuyankapash.
Kamachik killkakkuna shinallatak wawakuna wamrakunata mitsak tananakuykunapash 18 watayuk wamraka yuyaykkuna wichkashpa kawsakuna wasiman mana yallichishka kana kanchu chayman apakpika llaktayukwan kutinpash tikranapak yachachikushkami tukuy harkarinka shinallatak mana ima yachayta chaskishka wichkashka kawsakuk ayllukunawan tantanakunka. Shinaka, Subdirector del Servicio Nacional de Atención Integral a Personas Adultas Privadas de la Libertad y Adolescentes Infractores tantanakuyta pushak mañashkata hapichunmi mañarka. Minkarishkami shuk killkata allichinka.
Shinallatak, shuk wamra llakichishkamanta kamak runa wanachinapak arinikpika, wamra yachanaka paypak ayllu kuchullapimi kana kan, kay shina paypak wasi aylluwanpash kutin kimirichun, kayshina llankayka allimi rikurishka, ninkunami. Darío Albuja runa, Consejo de la Judicatura tantanakuypak shutipi, ñukanchik llankana wasika mushuk paktaykunapimi llankakunchik ashtawankarin ista llakta tantanakuykuna imashina paktana rikuchishkata katishpa, nin.
Shinallatak, llakichishkamanta wanarikuk wamrakuna wichkashka kawsakuk wasita kamak runakuna kimsa killan killan rikunaman rina kan, kaypi yachaykuna paktakushkata riksinapak, shinallatak wichkashka kawsakuk wamrakunapak mañashkata riksinapak yanapayta chayachinapakpash, kay yanapayka rimashpa killkashpapish paktariy ushanka.
Kutin kutin rikunaman chayanata mana wakllichishpa, kamak yachak runaka pay mutsushka pacha wichkashka wamrata rikunaman riy ushanmi. Rikunaman chayana pachata mana paktachikpika wanachishkami kanka nin.
Kay kutinka, Comisión Ocasional minkarishka Libro II kamupak 32 niki killkata rikurka. Imalla wanachina paktanamanta, yachaka kamak runa akllarishpa riksinamanta, ñawirinamanta, yachana pacha mashna paktanamanta, tukuymanta allichinata, shuktay yuyaykunamantapash.
Yuyarinakushka
Chay kipaka, kamachik killkakkuna shuk yuyarinakushka killka 9 iñu chariktami arinirka, kaywanka LLakta Pushak kay Ministerios de Salud shinallatak Inclusión Económica y Social pushakkunawan makipurashpa, Ecuador llaktapi unkuy llaki paktari pachakuna ukupi, hampina, mikuna chayachina, kari warmi wawakuna wamrakunata ukllana, ashtawankarin 0 watamanta 4 watakama wawakuna, wamrakunapash tisikukakpi, karu llaktamanta kakpi, paktukushpa kawsakukpi, yaya mama wichkashka kawsakukpi wawakuna wamrakunata ukllanapak, runa, yana runa, yunka runanakunapakpash hayñi tukuymanta paktarichun yanapayta chayachichun mañarka,
JLVN/cz/ceguacu
