Kay wanra 21 puncha ayriwa killa 2020 wata, 16h00 chishimi, Mamallakta Tantanakuypi 664 niki rimanakuy paktanka. Mamallakta Tantanakuyta pushak César Litardo apukkmi kayachirka, puncha llankanapak kimsa yuyaytami rimanakunka. Kallaripika, Byron Suquilanda kamachi killkak chayachishka killkata riksinka, payka llakta pushak Lenín Moreno runata kayachin Ecuador llakta ayllukuna ista llaktakunapi unkuymanta kawsakukpi apamunapi yanapachun mañan.
Kay yuyaymanta rimanakuyka, Ecuador llakta pushakta mañayka, ista llaktakunapi unkuy llakimanta mana shamuna ushakpi apamunapak yanapachun mañan. Mañaypika, Llaktamanta mana kullkita mañashpa antankakuna kachachun mañan shinallatak hampina wasikunata, hoteles wasikunata, cuarentena paktayta mana kullkita kushpa yanapachun mañan, kay ayllukunaka kullkita mana charishkamanta llakitami kawsakun antankata mashkankapak, hotel wasikunapi kawsanapak kay cuarentena pachakunapi kawsanapak.
Ista llaktawan yuyarinakushka killkakuna
Shuktakmantaka, Mamallakta Tantanakuypi llankakkuna Protocolo Adicional a los Convenios de Ginebra de 12 de agosto de 1949 killkata rimanakunka kaypika Signo Distintivo Adicional yuyaytamanta mañayta arininkakuna, shinallatak puncha llankaypika. Acuerdo de Asociación Económico Inclusivo paktay kay Ecuador llaktawan yuyarinakushka shinallatak Asociación Europea de Libre Comercio (AELC) tantanakuywan nakashkapaka Acuerdo EFTA shutiwan riksishka; Kay rikuykunataka Soberanía y Relaciones Internacionales Minkarishkapi allichishka karka.
Kay rikushkamanta killkapika kamachi killkaktami ista llaktawan yuyarinakushka killkata arinichun kayachin. Kallari killkapika, tantachishka killka nikika Convenios de Ginebra yuyarishkawan kimirin kaypika Cruz Roja tantanakuymi llankayta markakunapi paktachin shinaka kay killkata arinishpaka markakunapi llankaytami sinchiyachishun shinallatak kay killkawanka llaktapak llankay wasikunapak llankaytami yanapan.
Allita rikushpaka Acuerdo EFTA willachik killkapika, AELC willaypika charinakunata mintalaypi mutsushkata paktanapak hatun yanapakmi kan, kayshina hayllika Europa suyu llaktakunapi mintalay paktanata chimpapurachikmi. Kay yuyarinakuy killkapika yanapak arinishkawan paktarinatami rikuchin.
Puchukaypika, Kallari willay killkamanta, César Carrión kamachi killkakmi kay killkata riksichinka; shinallatak, Acuerdo EFTA killkamanta, Denis Marín kamachi killkakmi, paymi kay killkata riksichinka.
EA/cz/ceguacu
