Kay Comisión de Fiscalización y Control Político tantari, Johanna Cedeño Zambrano kamachiy killkak pushashka, kaypi kak kamachiy killkuna, 13 apuchiwan Salud, Juan Carlos Zevallos hampik kamachikta, Finanzas, Richard Martínez kullki kamachikta kayankapa arinirka.
Chaymanta paykuna kay covid-19 unkuyta harkankapa ima llankaykunata rurakushkata pankakunawan willanka,shina achiklla, willay sakirinka.
Kay 15 punchakama kamachiy kukpi, Minkashkakuna kamachiy killkakkuna kamachikkuna chayashka pankakunata rikunka, mutsukpika chay willaykuna shuktakyarichun, hatunyarichun mañanka, shinami karumanta karurikuchikpi chimpapura rimanakurka.
Minkashka, hampik amawta Javier Solórzano Salazar kamachikta, Gobernanza kamachikta, Vigilancia de Salud kamachikta chaskirka. Paykuna hampina hillaykunata, hampi kipikunata rantishkamanta willarka, shinami Mamallaktapak hatun unkuy llakita harkankapa llankarka.
Paykuna achka hampi kipikunata, hampi hillaykunata charinchik nishpa willarka, chaytami Mamallaktapak hampina wasikunaman chayachishun nishpa willarka, chay hampi nipakunata, shimilli, harkana churarinata, wayrachik, hampikunata rantishpa kunankama 97 hunu, 477 waranka dólar kullkita tukuchishkanchik, willarka.
Kay Solórzano kamachik rimashka kipa, Alberto Arias, Fausto Terán, Jimmy Candell, Karina Arteaga, Ramón Terán, Carmen Rivadeneira kamachiy killkakkuna rimarka, paykunaka Mamallaktapak sapan markakuna imashina kay hatun unkuy llakipi taririshkata willarka, imamantatak hampi nipakunata rantinkapa 30 punchata uniyarkankichik nishpa tapurka, unkuyta utkashpa harkachunmi mañarka, rishpa atirirka.
Shinallatak, chay Ministro de Salud, Juan Carlos Zevallos kamachik mutsuk hampi nipakunata, hillaykunata, kipikunata, unkuy harkakkunata hampina wasikunapi churachun tukuy kamachiy killkakkuna mañarka, shinallatak tukuy hampina wasikunapi hampi amawtakunata, hampikta yanapakkunata churachun mañarka.
EG/cz/jc-kichwa
