Killkashka Código de la Niñez kamachiyta kallari atinakuypak allichinkapa, kay Comisión Ocasional tantari, Encarnación Duchi pushashka, kamachiy killkakkunawan wanachina llakita imilla charikpi sumakrurak yachaywan ukllana kanka, rimarka.
Ña wichkana wasipi kakpi chayman chayashpa, ayllukuna yanaparishpa rikuna kachun kamachiypi killkarichun mañarka.
Imillakuna hatun huchata charikpika Servicio Nacional de Atención Integral a Personas Adultas Privadas de Libertad y Adolescentes Infractores (SNAI) kamaywasi llakita rikunata, imillapak hayñita ukllanata charin rimarka.
Chaymanta kaytaka sumakrurayta yachak kamachikkunawan llakita akllichina, ayllu ukuman yaykurichun kutintak yuyaykuna allichirichun yanapana rimarka.
Kay Organización Custodios de Sueños de Hombres y Mujeres tantarimanta, Pablo Coloma, kay yuyayman yaykurirka, kay tantari ukupi llankakkuna anchurishka, chaymanta llakita charik imillakunata sumakruraywan yachachinkapa, allichinka yachakkuna illan, rimarka. Chay SNAI kamaywasi ukupika yuyak runakunatami ashtawankarin kaman, shinallatak kishpiyta kichushka runakunatami ashtawan kaman, rimarka.
Kutin, Berenice Cordero, yallik Hatunkamachik, kunan tiyak kamaywasita ashtawan sinchiyachina, yanapana rimarka. Chaypak kay SNAI kipa hatun kamachikta, churana nirka, paykuna huchayuk imillapak hayñita pakik, imillakunapak kawsayta wakllichikta rikuchin mañarka.
MG/cz/jc-kichwa
