Kay Comisión de Soberanía Alimentaria y Desarrollo del Sector Agropecuario y Pesquero tantari, Lenin Plaza Castillo pushashka, Ministro de Agricultura, Xavier Lazo Guerrero kamachik rimashkatra uyarka.
Payka mushuk tarpuykunata mashka, allpapi llankaykunata sinchiyachina, kay Covid-19 hatun unkuy llakita ashayachinata rimarka.
Wakin llankaykunaka Mamallakta pushakpak makipimi arinina kan nirka, shuktak ruraykunaka kamachiyta mushukyachinami kan rimarka.
Chaytaka Tarpuy Kamachiyta allichishpami kallarina, palantata pukuchina, katuna kamachiyta allichina nirka, chaywan fusarium ukuman yaykurishpa llankana kachun mañarka.
Tarpuy Hatun Kamachikka, tarpuykunata riksinkapa kay Registro Nacional Agropecuario kipuyta hatarichinata rimarka, kay kipuytaka 20 watamanta mana rurashka kan, chaymi tarpuy llikata, pukuy llikata taripaykuna riksichinka nirka. Chayta riksishpami tarpuypak, pallaypak, mintalaypak, kapukruray kullkita ñanta charinkapa yanapanka nirka.
Tayta Rafael Torres, Productores Bananeros de Manabí tantaripak shutipi, Hatun kamachik paykunata yanapachun mañarka, palanta tarpukkunaman kullkita mañachichun shuyanchik nirka, ashtawankarin kuna hatun unkuy tiyakpi palantata pukuchikkuna yalli ruru tiyakpika mayhanmanpash karakun nishpa willarka.
Shinallatak chay Organización de Naciones Unidas para la Alimentación y la Agricultura (FAO) kamaywasita kayarka, payta kay Técnica tantariman kayarka, kay kamaywasipak yachaykunata riksichichun, shina alli mikunawan hatun unkuy llakita harkay tiyachun mañarka.
EG/cz/jc-kichwa
