Kay Comisión de Fiscalización y Control Político tantari, Johanna Cedeño Zambrano pushashka, kaya puncha, Ministros de Educación, Monserrat Creamer kamachikta, Telecomunicaciones, Andrés Michelena kamachikta, Defensor del Pueblo, Freddy Carrión Intriago kamachikta chaskinka.
Payka yachaypak kullkita kunamanta riksichinka, shinallatak llaktayukkuna karumanta yachayta, willayta chaskina hayñita riksichinka, kaytaka Covid-19 unkuy tiyashkamantami shinanka.
Kay Ministra de Educación kamachikka, kunan hatun unkuy llakipi Ecuador llakta kunan yachay llikata riksichinka.
Payka imashinatak Secretaría de Estado kamaywasimanta, wamrakuna yachachun yachachikwasiman yachachikkuna llankashkamanta mashna kullkita kuna hawami rikunata charin.
Kutin, Ministro de Telecomunicaciones kamachik, Sociedad de la Información kamaywasi, yachaypi yanapankapa imatalla rimashkakunata willanka, chayka karumanta yachana, tantarishpa yachayta rurana hayñimanta riksichina, chay yachaykuman, willaykunaman mashna patsakri yachakukkkuna yaykurishkata riksichinka, Ecuador llaktapak waytasuyupi, allpasuyupi alli willaytinkiri tiyachun rimanka.
Kay a Comisión de Fiscalización y Control Político tantari, kaya puncha, rimankuyta 10h00 sayllata kallarinka. Chaypi Defensor del Pueblo kamachik, Mamallaktapi yachaypak kullkita hapishkata llaktayukkunapak hayñita ukllankapa mayhan ruraykunata arinishkata riksichinka, shukpaklla yachaywasikunami chay kullkita hapishpa mana alli mitachita kushkata willanka.
EG/cz/jc-kichwa
