Kay Código de la Niñez kamachiy mushukyachiypi, Comisión Ocasional Minkarishkapi kay yuyaykunata riksikun, kay 057 niki rimanakuypi, killka imalla charishkataka warmi kari wawakuna wamrakunatapash imashinalla kamachiywan yanapanata rikukun, kay ruraykuna paktakushkata, llankay wasipura yanaparinapak, yumaypi llakichishkamanta, yachayman paktarinamanta, pushaykuna wakllirishkamanta, makaymanta, shuktak yuyaykunamantapash.
Kay mañaykunaka ukllana kamay paktachinapakka Consejo Nacional para la Protección Integral de Niños, Niñas y Adolescentes tantanakuymi allichishka kanka, makipurashpa, llakta pushakkunawan, shuklla llankakwan, llaktayukwan, shuklla llaktapi, mamallaktapipash wankurishpa; kayshina ukllayka tukuymanta pakta pakta kachunmi rikuchin; kikin kawsayta sumaychashpa, mashna watayuk, kari warmi, shukta yuyay rakirishkatapash chaparashpa; shinallatak, wasi ayllupi kawsanapak, yachanapak, hampirinapak, allí mikunapak, wasichinapak, shuktak yuyaykunapash mana rikushka karkachu.
Llaktayukkunamanta mañarkami. Berenice Cordero y Sara Oviedo runakunaka imashina ukllanapak kamayta rikuna paktarin, shinami plan nacional ñawpakman pushanata wawakuna wiñachinapak, anacha irki kakpi yanapanapak, llakichiyta chimpapurankapakpash. Chaymanta rimashpaka , Efigenia Witt, defensora de los derechos de niños y adolescentes tantanakuyta pushak, wawarak kakpi yanapayta cayachishpa ukllanami kallari yuyay kana kan, ninmi.
Chaykamaka, Franklin Samaniego kamachi killkakka ancha wakcha kanata chimpapuranapak, irki kakpi yanapaywan chimpapuranapak kamachiyta allichinata rimarka, ruraykunata chikanyachishpa rikushpa kay pandemia, allpa llaki tiyakpi chimpapurankapakpash. Kayshina yuyaypi Cristina Torres, de la Coalición contra el Abuso Sexual Infantil en Ecuador tantanakuymanta runapash kimirirka, kayshina llakita allichinapak kamachiyta rurana, nirkami.
056 Niki rimanakuy.
Chikan chikan yuyaykuna tiyashkamanta, mayhan tantanakuy kay sistema de protección de derechos de adolescentes wamrakuna llakichikpi wanachikushkata rikunapak mushukyana nirka, harkarishpa sakirirka. Shinallatak, Gloria Astudillo kamachi killkakka Ministerio de Inclusión Económica y Social (MIES) tantapuy pushachun kayachirka, chaypakka kayshina wakllirinalla ayllukunata llaktapi rikunapak wasi ukutami wiñachinka.
Shuktakmanta, Franklin Samaniego kamachi killkakka ashtawanpash kay Servicio Nacional de Atención Integral a Personas Adultas Privadas de la Libertad tantanakuyta sinchiyachina kayshina llakichik wamrakunata pakta rakishka kamaywan yanapankapak. Kay medidas socioeducativas ruraykunata allichina, kashnami Verónica Arias kamachi killkak yuyan. Brenda Flor y Gabriela Larreátegui kamachi killkakkunaka llaktapi kullki tukuchinapak mirarinatami harkana kanchik, ashtawankarin kay kullki llankay llakipi kashkamanta, nirka.
MG/cz/cg.kchw
