Kay Ministro de Energía, Minas y Recursos Naturales no Renovables, René Ortiz kamachikka, Petroecuador llankakwasi punkarata kamakwasiman yaykurichun mañan.
Payka kayta rurashpa kunan 2020 watapika sapan punkara mankata 25 dólar kullkipi katuna kanka nirka, shinami hamutacdhirka.
Kunan punchakunapika punkara kamayta mashkana mana kanchu, paykunaka kullkitami mañana chay kullkika mana tiyanchu.
Ashtawankarin kamachiy tawa ukupi kachunmi shuyanchik, chaywan punkarata katushpa kullki yaykurinka. Shinami Ecuador llakta punkarata istaman katunkapa ñanta charinka, rimarka.
Awllikka karumantami chay Comisión de Régimen Económico tantariwan rimarka, chaypimi Ordenamiento de las Finanzas Públicas hawa rimarka, chaypimi Viceministro de Electricidad, Luis Vintimilla kamachik; chay Petroecuador y Petroamazonas, Pablo Flores kamachik, Juan Carlos Bermeo kamachik karka, paykunawan llakimanta llukshina ñanta mashkarka.
Kay hatun kamachikka, 2019 watapika chuki llankaymanta 279 hunu dólar kullkiwan wata wichkarirka nishpa willarka. Kunan 2020 watapi 368 hunuta katushkanchik nirka, chayka, 32 % patsakri kullki nishanin, chayka kullki mirarimi kan, rimarka. Chayka hatun llankaymi kan, shinami Mirador, Fruta del Norte chuki llankaykunawan achka kullkita yaykurinka, ñalla llankachishun munanchik.
Shuktakmanta rimashpaka, Petroecuador llankakwasi, Petroamazona llankakwasi, paykunapak kullkita chakrunkapa llankakun, chay kullika Banco Interamericano de Desarrollo kullkiwasimantami shamun. Kay Covid-19 hatun unkuymanta manarak rurashka, chayta rurakkunaka chaypi kashpami llankanata charin nirka.
JLVN/cz/jc-kichwa
