11 ari apushitaywan shuk mana apushitaywanmi, Régimen Económico minkarishkapi, paykunapak llankayta katishpa, kay minkarishpa llankakkunaka Ley Orgánica de Ordenamiento de las Finanzas Públicas kamachiy ruranapak 1 – 30 niki killkakama rikushkata chaska 24 puncha ayriwa killakama chayachinapak yuyarirkakuna. Kaywanka kamachi ayllukuna virtual rimanakuypi chishillawan tantanakuna, kaypimi nikikunata allichishpa kallarinka.
Kay mañaytaka Minkarishkata kipapushak, Franco Romero chayachirka, shinallatak tukuy kamachi killkakunami 31 – 49 niki killkakama rikushkataka wacha 25 chawpi puncha ayriwa killakama chayachina kan. Shinami, minkarishka ayllukunaka chishita rimanakunkakuna.
Shinallatak, kay awaki 27 puncha ayriwa killami, minkarishkakunaka niki nikita rikushpa Ordenamiento de Finanzas Públicas kamachiy rurana killata apushitanka. Kay rimanakuyka wanra 28 punchakama paktariy ushanka, kay punchami Ley Orgánica de la Función Legislativa kamachiy rikuchishka 10 puncha, utkashpa kullkita rikuk kamachiyta ruranapak killkata kamachi killkakkuna shuk niki rimanakuypak killakta chayachina pacha paktan.
IESS e ISSPOL kikin llankayta wakllichin
Kay kullka 23 kimsa puncha ayriwa killa, virtual rimanakuypi, Minkarishkakuna Davíd Ruales, director Ejecutivo del Instituto Ecuatoriano de Seguridad Social (IESS) pushak shinallatak General Jorge Villarroel, kay Instituto Ecuatoriano de Seguridad Social de la Policía Nacional (ISSPOL) tantanakuyta pushak runata chaskirka, paykunaka, kay Ordenamiento de las Finanzas Públicas kamachiy rurana killkapika, kay tantanakuy kikina llankayta rurayta charinapak mamakachiy rikuchishkatami wakllichikun nirkami.
Ruales shinallatak Villarroel runapash kay IESS, ISSPOL tantanakuykunaka llaktapak llankay wasita shina mana rikuna kanchu paykunapak llankayka seguridad social yanapaymi, shinaka, kikin llankayka Ministerio de Finanzas llankay wasi pushashka mana kana kanchu. Tantanakuykunapak Consejo Directivo wankuriymi afiliados y asegurados yanaparik ayllukunapak ruraykunata rikuchin kullkika paykuna chayachishkamanta shutakmantapash, kamachiypi rikuchishka, mamallaktapak hayñikunata katishpapish, seguridad social llankaymanta, shinaka kikin kullkimi kan, Llakta watapi llankana kullki mana kanchu. Kay kamachiyta kullkimanta utkashpa rurana nishka killka mana paktarina kanchu, kikin llankayta wakllichin, mamakamachiywan kaktarin, ninmi.
Kay seguridad social yanapay maykama paktanapak churanaka, mamakamachiywanmi waktarin. Hampina maykama paktanata mana churay usharinchu, asegurados ayllukunapak ruraykuna paktanatami yanapana, shinaka, llaktapak llankak wasikuna mana yaykuriy ushanchu ashtawankarin kullkikata shuktak ruraykunapi tukuchinaka mana usharinchu. Kamachiy mushukyachinaka mana paktana mamakamachiywan waktarishkami kan, nirkakuna.
Kanchamanta kullkita mañanami mutsurin
Kay llaktaka Ecuador llaktapak wiñay kawsaypi mana riksishka kullki llakitami kawsakun, shinaka, llakta anchata llankaywan paktarikushpapish kullki illayta mana chimpapuray ushankachu; chayamantami, ista llaktamanta kullki tantanakuykuna mañachishka kullki mutsurin, kay Fondo Monetario Internacional nakashpaka CAF kullkiwasikuna, kashnami economista Jaime Carrera, Observatorio de la Política Fiscal tantanakuymanta runaka nirka.
Carrera runaka kay Ordenamiento de Finanzas Públicas kamachiy mushukyachina killkami kullki llankay kutin kallarichunka yanapanapak mutsurin shinallatak kay llakimantapash llaktaka llukshinka nirkami. Llakta kullkita mañashpa apamukpika punchanta llankanapak kullkilla mana kankachu ashtawanpash tukuy chayachina kullkita paktayta sinchiyachinka. Kay kullki mana chayamukpika, llaktapak kawsayka sinchi llakiman urmanka, nirkami.
Anchami mutsurin kay Utkashpa rurana kamachiyta arinina kaypimi llaktapi kullki llankay paktarinapak tukuy rikuchiyta churashka kan. Ecuador llaktapak kullkita pakta pushanapak allichina pachami kan, kullki pushakuna achiklla llankay charishkawan. Kayshinami allilla kullki llankay kutinpash sinchiyayman chayashun shinallatak ista llaktakunapash allita rikuy kallarinka, Ecuador llaktaka kullki llankay wakllirishkamanta purina kallikunmi nishpa rimarinkakuna, nirkami.
Kullkita wakichishpa llankayman kayachin
Kay economista Roberto Rosero, Instituto de Investigaciones Económicas de la Universidad Central del Ecuador yachana wasimanta runaka, llakta pushak ruranpak chayachishka killkapika kullkita wakichishpa llankachumi kayachin, kay llaki punchakunapi, llaktapak mana pakta kanchu ayllukunapak kullki ashayashpa chayachunmi kayachin.
Punchanta kawsanapak kullkita ashayachikpika rantinapi wasi kawsaypipash ashayanka; shinallatak killa kullkita ashayachikpika shinallatakmi paktanka ayllukunaka imapi kullki wakichinatami mashkanka, shinaka llankay wasikunami wakllirinka llaktapi kullki llankaypash mana sinchiyankachu.
Shuktakmantaka, Ministerio de Finanzas tantanakuypi ashtawan ruraykunata chayachina mana allichu kan shinaka shukllaman tukuy llankay tantarishkami rikun, llaktaka rakirishpa llankayta pushanapimi sinchiyana kan. Shinallatak Banco Central kullki wasita llaktapak kullki wasita shina riksina mana allichu kay wasika mana kullkiwan llankachu kan, shuktak llankaytami charin.
Shinallatakmi kay Instituto Ecuatoriano de Seguridad Social tantanakuy llakta pushana ukupi mana kana kanchu, paypak llankayka afiliados ayllukunata yanapana shinallatak kikin kullkita shinallatak llaktapak ashalla kullkitapash llaktaka mana hapinachu kan, nishpami Rosero runaka puchukarka.
JLVN/cz/cg-kchw
