Chaypikakkuna 12 ari apushitaywanmi, Justicia Minkarishkapi kay Código Orgánico de la Función Judicial kamachiyta mushukyachinapak killkata shuk niki rimanakuypi riksinapak arinirkakuna, 43 niki killkata, shuk disposición general única, kimsa disposiciones reformatorias, chusku disposiciones transitorias shinallatak shuk disposición final killkatami charin.
Kay killka kamuka tawka yuyaykunatami ukllan, yachashkawan mishanakunapak, acción afirmativa tupukuna, Función Judicial yachana wasi, taripay paktana, categorización rikuna, yachashpa katinapak paktarinakuna, yachaykuna, akllashka mashkaykuna, allí llankashkata rurashkatapash yachanapak taripay, kay Corte Nacional de Justicia tantanakuypak jueces shinallatak conjueces kamakkunata taripana, vacancia judicial samana pacha, kamakkuna llakichikpi rikuna, notarios runakunamanta renovación parcial, causales de cesación rikuykuna.
Taripay
Kay Corte Nacional de Justicia tantanakuypak llankay alliman katichun yuyashpa, Consejo de la Juricatura tantanakuyka jueces shinallatak conjueces kamak runakuna llankashkata kimsa watan watanmi taripankakuna, kay taripaykunaka achiklla llankay, riksirishpa llankay, cuantitativos, cualitativos yupachishpa shinallatak llaktayukkuna rikurashka, yachachikkunapash chaypipashkawanmi paktanka.
Tantachik mushukyachikpash.
Kay Corte tantanakuyka ishkay chunka pichka kamakkunami chaypi kanka, paykunaka chikan chikan allí yachashkawanmi rakirinka. Yachashkawan mishanakuchishpa, huchachiyman kayachishpa, llaktayuk rikurashka Judicatura kamayman iskun watata llankanaman yaykunkakuna, kari warmipash pakta pakta yaykuchun rikuranka.
Kutinpash shutichishka mana kay ushan shinallatak asha asha kimsa wata kipa mushukyanka; Jueces kamak runakuna iskun wata llankayta paktashpaka chaypachallatak llukshinka.
Shuk kari warmi kamak runakuna anchurikpi, kamachiy rikuchishkamanta, iskun watata manarak llankaypi paktachishpa, Judicatura tantanakuy taripay paktashkapi yalli chanita llukshichik shuk conjueza nakashpaka conjuez runami ranti yaykunka, payka llukshik kamak runa llankana pachakuna illashkatami paktachinka.
Kay Función Judicial tantanakuypi llankakkuna, kimsa watapi, llaktayukkuna rikushka chaparashkapash paykunapak llankay imashina paktashkata yachanapak taripashkami kankakuna. Mayhan runakuna chani yupayta mana paktakpika kimsa killa ukupimi kutintak taripashka kanka. Kutinpash chani yupay ashalla kakpika, llankaymanta anchuchishkami kanka.
Notarios
Notarios kamakkunaka sukta watatami llankaypi paktankakuna. Shuk kutinllami chay notaria wasipakllatak akllarinka shinapash turipaypi allí chani yupayta paktashka kashpa, Judicatura kamachi shinami rikuchin.
Ishnkantik llankana pachata paktashpaka, kutin sukta watawan shuktak notaria wasipi llankanapak mishanakuyman yaykuy ushanka, shinallatak yachashkawan chimpapurashpa.
MG/cz/cg-kchw
