Llaktapak llankakkuna shinallatak shukllapak llankak ayllukuna kullki chayachina, kay Apoyo Humanitario kamachiy, llakta pushak kachashka, kay yuyaymantami Desarrollo Económico minkarishkapi kay 26 inti puncha ayriwa killaka tutamanta kallarishpa chishikama.
Kay yuyaymanta rimanakunata kallaripi, Minkarishka kamachi killkakunaka yuyaypaktarirkami, Llakta pushak kachashka killkawanka, chayachina kullkika mana 500 dólares kullkimanta kallarina kanchu kayshinak ashalla kullkita hapikkunatami wakllichinka, killa mikuna rantinapak pakta kullkita rikushpa chanina. Kayshina rikuypika, kullki mañanapak yupaytaka 720 dólar kullkimanta kallarichun mañan, shinami el Frente Unitario de Trabajadores (FUT) tantanakuy mañayta chayachirka; shinallatak, chayachina kullki mirashpa rinakan, ninkami.
Kayshina rikuypika, Minkarishka runakunaka kullki chayachikta ishkaypi rikuna, llaktapaka, shukllapakpash llankakkuna killka kullki hapinata tukuyta yupashpa, Llankay wasipi llankakunaka, Minkarishkapi rikuchishka shina, killa hapina kullkita rikushpalla mana kay décimo tercer y décima cuarta remuneración kullki mana kimichishpa, Seguridad Social tantanakuyman chayachina kullkita anchuchishkapapish.
Runa ayllukuna kullkiwan llankashpa shinallatak chikan chikanmanta kullkita chashkikpi, kay ayllukunataka kullkita chayachichun mañashpa shinallatak ashachinata, chikanyachinata mana mañanachu, kay Ley de Régimen Tributario kamachiypi kashkamanta.
Kamachi killkakkunaka kay sistema financiero popular y solidario llankay wasikuna kay Impuesto a la Renta manu kullkipi mana rakirishka kashpaka chayshinallatak kullki chayachinapak rikuna kan. Kay yuyaymantaka, kullki chayachinataa kishpichina nakashpaka ashayachinami kay la economía popular y solidaria paktaypi llankakuktaka shinallatak kay Covid-19 unkuy llaki llankayta wakllichishka kakpika.
Kay Ley de Apoyo Humanitario kamachi ruranapak disposiciones generales killkapika, kamachi killkakkuna kay 2,3 killka kay kimsa niki disposición killkata tantachichun mañarka. Kaypika llakta pushakpi llankkuna, killa kullki 1000 dólares kullkimanta wichiman, 10% patsakta killa kullkimanta karana nin, shinaka kay rikuchiyka tabla de contribuciones yuyaywan paktarishkami kan, nishpa rikuchirkakuna.
Kamachi killkakunapak rimanakuyka llaktapak llaki kashkamanta llankakkuna kullki chayachinatami ashtawa rimarkakuna. Llankayta charishpa katinatami sumaychana kanchik shinallatak kay llakipi wakllirishka ayllukunata ashtawan kullkita mañanapi ama urmankapak, nirkami. Ñukanchikpak llankayka llankayta charishpa katinapak yanapay shinallatak ashtawan charikkuna yalli yanapachuni llankakunchik, nirka,
Puchukaypika, Minkarishka runakunaka kay kamachiy anchuchishkata rimanakurka, llakta pushka kachashka killkapika llakta riksichishpa llankaymanta. Kaypika, kamachi killkakuna mañarkami llakta riksichinapak llankakkuna shukta 1000 yupaymanta chayachina kullkita, minkarishkapi llankakkunaka nirkami, kay unkuy llakipika kay llankakkunami ashtawan wakllirishka kan, nirka.
Kay inti puncha rimanakuypi chayachishka yuyaykunaka, shuktak kamachi killkakkuna shinallatak minkarishkakuna chayachishka yuyaywan tantarinka, Llakta pushka kachashka killkata allichinapak kayshina llaktaman pakta yanapak kamachiyta chayachinkapak, kay Covid-19 unkuy llakichishkamanta, kashnami Esteban Albornoz kamachi killkak, Desarrollo Económico minkarishkata pushak, nirka.
EA/cz/Cg-kchw
