Kay Comisión de Desarrollo tantari kunan tutamanta akllashka wakaychishka kullkimanta rimarka.
Kay kullkitaka hatun unkuyta harkankapa yaykurichun tukuy kamachiy killkakkuna, mañarka, chaypak uchilla kamachiyta churana, rimarka.
Runakunamanta, tantarikunamanta, llankakwasikunamanta, kamaywasikunamanta shamuk kullkika allikawsayta llakita pitinkapa llankayñanta, mushuk llankayta, llankaykunata rurankapa yaykurinka.
Shinallatak pishi runakunata mikunawan, hampiwan yanapankapa kanka nirka. Unipak llankaykunata wiñachina, mirachina, ashtawankarin ñitirishka wakcha runakunapak llaktapi mushuk llankaykunapi kullki mirarichun churachun yuyachirka.
Kamachiy killkakkunaka akllashka kullkiwsan ista manuta ama tikrachichun mañarka, chay kullkiwanka ista llaktamanta hampikunata, hampi hillaykunata, nipakunata, mitachikunata rantimuna nirka, kay Mamallaktapi yalli kullkipi katukpi ama rantichun mañarka.
Shinallatak chay llankakwasikuna, kamaywasikuna, kullkiwasikuna, charikkuna yanapay kullkita kuchun mañarka, kutin unkuyta harkashpa kallari wachupi kak kamachikkuna, chapakuna, hampikkuna ama yanapay kullkita kuchun mañarka, paykunami ashtawan hatun llakikunata charin nirka.
Kamachiypak 20 nikita rikushpa, kay hatun unkuymanta, sinchi llaki kakpi, tukuylla llankakkuna, llankakushkamanta, kunanka 50 % patsakri pachata llankachun mañarka, chayta rikushpa kawsaykamay wasiman, shinallatak chawpishpa kuchun nirka. Llankashkamanta kullkitakapash, chawpishka kullkitallami hampinka, rimarka.
SV/cz/jc-kichwa
