Kayna tuta, Mamallakta Tantanakuypak Comisión de Régimen Económico tantari pushak apuchiwan, pichka apuchi mana niwan, Ordenamiento de las Finanzas Públicas Hatun Kamachiy kallari atinakuyta charichun arinirka.
Mamallakta Tantanakuyka 80 % patsakri nikita churarka, Mamallakta Pushak chayachimushka, shuktak kamachik churashka nikikunaka achkta allichishka karka.
Kamachiy killkak Franco Romero Loaiza, tantarita kipapushak, kay atinakushka, rimashka nikikunata arinichun churarka, shinami 42 nikimanta, 49 nikikama arinishkaman paktarka. Kay nikikunaka (6 niki, 47 niki) tukuy kamachiy killkakkuna anchuchishka karka. Kay: 2, 11, 16, 31, 33, 34, 39 nikikunatami arinishka kan.
Kay kanchis kinikunata atinakuypi mana tukuy kamachiykillkakkuna shuklla yuyaywan karka, chayta Mamallakta Hunta rimnakuyman riksichinka, chaymi paykuna ashtawan nikikunata allichinka, 137 kamachiy killkakkuna mushuk yuyaykunata.
Mamallakta Pushak kachashka mushuk kamachiyta kay Código Orgánico de Planificación y Finanzas Públicas kamachiyta mushukyachin, 46 nikikunata charin, shinallatak kay Ley Orgánica del Sistema Nacional de Contratación Pública kamachiyta mushukyachin, kay Aviación Civil kamachiyta, Fabricación, Importación, Exportación, Comercialización y Tenencia de Armas, Municiones, Explosivos y Accesorios kamachiytapash mushukyachin.
Kunanka, César Litardo Caicedo, Mamallakta Tantanakuyta pushak, kamachiy killkakkunata hatun rimanakuyman kayana mutsurin, chaypimi kay Comisión de Régimen Económico tantari, atinakushka kamachiyta atinakunka, kipaman arininka.
JLVN/cz/jc-kichwa
