Kay Comisión Ocasional para atender Temas y Normas sobre Niñez y Adolescencia tantari, Encarnación Duchi kamachiy killkak pushashka, Kamachiy killkakkuna wawata, imillata tukuysami takayta anchuchina tupukunata churankapa rikun.
Kay Código de la Niñez kamachiyta allichinkapa, wawakunaka mita paktakpimi chay llakikuna rikurin kamachiy killkakkunaka rimar.
Ruku runakuna, warmikunapash wawakunata, imillakunata yanka llankachinkapa, llakichinkapa, shuwankapa, millankapa hawalla hapinata ushan, nirka.
Ruku runa kashkamanta wawata waktanka, ahanka, haminka, shitanka, llakichinka, wawaman kullkita tantachichinka pay munashkata ruranka, shuktak takaykunapash ruranata ushanmi. Shinapash tukuy chay ruraykuna kamachiyta pakina nishanin.
Kamachiy killkak, Franklin Samaniego, tawkasami takaykuna rikurishkata, imamanta chay sapan huchakuna rikurishkata yachakchayanami kanka, nirka. Chay huchakunata rurak ruku kari, ruku warmi kakpipash kay Código Integral Penal kamachiywan wanachina alli kanka nirka.
Imamanta takay shamushkata, Sara Oviedo, Sociedad Civil tantarimanta shmuk, payka tawkakutinmi kay rimanakuykunapi kashka, kari warmi kashkata ashtawan riksina hawa riman. Waktaykunaka wawakunapak, imillakunapak munayta urmachin, manchachin, alli ukun kachun harkan, alli runa wiñarichun harkan, wakin wawakunaka manchaymanta wañun nirka.
RSA/cz/jc-kichwa
