Mamallakta Tantanakuyta pushak, César Litardo Caicedo,tukuy kamachi killkakta 666 niki rimanakuyman kay kulla 30 puncha ayriwa killa, 15h30 chishipak kayachirka, kaypimi kay Ley Orgánica de Apoyo Humanitario para Combatir la Crisis Sanitaria derivada del Covid-19 kamachiyta shuk niki rimanakuypi riksinkakuna, kay kamachiyka kullkimanta utkashpa rurana nishpa chayachishkami.
Kay killkata ruranapika, Comisión de Desarrollo Económico Minkarishka 88 yuyaykunatami chaskirka, kamachi killkakkuna, ayllukuna, pushakkuna, tantanakuykuna, llaktamanta, shukllamanta ayllukunapash, paykunami kamachiypak yuyaykunata chayachirka.
Minkarishka kunan punchami kamachiy rurana killkata riksichirka, Llakta pushak chayachishka killkataka 70% mushukyachishkanchik, kayshina: Kullkita chayachinapak rikuchik chanita mushukyachishka, kallarinmi 720 dólar kullkimanta kallarin mana 500 dólares kallaripi rikuchishkamantaka. Shinallatak hampinapi llankakkunata kay chayachinamanta chikanyachishkami.
Shuktak mushukyachiykunaka kay Cuenta Especial imapi paktanata rikuchirka, teletrabajo llankayta kaman, llankay pachata 50% ashayachinapak, zirma chanita ashayachina, llankayta sinchiyachinapak kullki mañachina, llankayta charishpa katina, shuktakkunapash. Minkarishka ukupi rimanakuyka, kamachik killkakuna llankakpak killka kullkita 10% ashayachinapak mañashkata mana arinirkachu, wiñayta.
SV/cz/cg-kchw
