Kay Comisión de Justicia tantari Pakalla Katuy kamachiyta utka killkankapa ñawpakpi churarka, chaywan maypi pakalla katuyta harkanta achkata yanapanka, rimarka.
Kay mushuk kamachiyta Héctor Muñoz, Juan Cristóbal Lloret kamachiy killkakkuna churashka kan. Sitwa killapak ña kallari atinakuyman yaykurichun charina riman.
Minkashka kamachiy killkakkuna 071 yupay tantaripi, mushuk Prevención y Combate del Contrabando y Defraudación Aduanera de Mercancías Hatun Kamachiyta atinanakunata kallarirka. Kay tantaripi uvas tarpukta, mikuna rurakta, upyana rurakta, shayri rurakwasita, tarpuk tantarita chaskirka.
Shinallaktak Christian Wahli, Julio De la Calle, Asociación Nacional de Fabricantes de Alimentos y Bebidas (ANFAB) tantarimanta shamurka, kay kamachiyta killkankapaka República Dominicana llaktapi yachashkata hapishun nirka, chaymanta Erradicación al Comercio Ilícito llankayta, pakalla katuyta, yanka mintalay, kamachiyta pakishpa katuyta, purishpa katikuyta Kamachiywan harkanata rimarka.
Kay Mauricio Sáenz, ITABSA, TANASA, PROESA (sector tabacalero) llankakwasikunata pushakta, kay Ecuador llaktapi 70 % patsakri katuymi pakalla lkan nirka, chayka Asia llaktamanta shamun, chaymanta 800 hunu dólar kullkita Mamallakta tukuri watakunapika churashka kullki hapinata chinkan, rimarka.
Kutin Rodrigo Gómez de la Torre, Cámara de Agricultura de la Primera Zona tantarimanta rikurishka Kamachiywan mana llankakkunata rikuchirka. Kunanpi rikurik llakikunami katuna wasikunaman, katuna pampakunaman maymanta kapukkuna chayamukta chapana nirka, mana alli kapukkuna kashkamanta rantikkunaman imashina yanapakta, mikuk runata wakllichikta rikuna kan nirka.
Shuktakamanta rimashpaka, Luis Saavedra, María Luisa Villacís, Fundación Regional de Asesoría en Derechos Humanos (INREDH) kamachikkuna, paykunaka, Consejo Indígena de Justicia de San Pedro de Cañar tantarita pushak, 2015 watapi, allpa llakimanta runapak paktakayta rurarka, chaymanta runata shuwashkata huchachirka, paykunaka Mamakamachiyta katishpa shinarka, chayta rikushpa Naciones Unidas tantari, Comisión Interamericana de Derechos Humanos kamaywasi rikuyta churarka.
MG/cz/jc-kichwa
