Mamallakta Tantanakuy, kay Apoyo Humanitario para Combatir la Crisis Sanitaria del Covid-19 Hatun Kamachiyta kallari atinakuyta charirka, kay Kmachiytaka Mamallakta Pushak utka atinakuchun kacharka.
Kay Comisión de Desarrollo Económico killkashka willayka, kamachiy killkakkuna rimashka kanchis mushuk yuyaykunata tantachirka.
Kay Kamachiyka llaktakunapi kapukyachichun, hampi hayñita charichun, llankakkunata ukllachun, kullkiwan mañashka wasimanta ama surkuchun, tiksi mitachita ama kichuchun, tukuylla, shukpaklla kullkiwasi mañachishka kullkita ama kichuchun harkanka.
Kay Comisión de Desarrollo Económico tantarita pushak, Esteban Albornoz kamachiy killkak, kay mushuk kamachiywsan Mamallaktapak kullkita llakita mana allichinkachu, manarak rimanakuy kallarikpi rimarka. Mamallakta hatun kamachikpak yuyayka 1400 hunu kullkita tantachina yuyaymi kan, shinapash Ecuador llaktaka 10 waranka hunu dólar kullkita mana charin, chaytami mutsun rimarka.
Kamachiy killkakkuna, kay rimankuy pachapi, Mamallaktata mana allichin nirka, kullki ama pampaman urmachun uchilla yanapaymi kan, kunan pachapi Mamallaktaka 10 waranka hunu dólar kullkita mutsun nirka, kayka Ecuador llaktapi kawsak runakunata yanapay mana kanchu, kullkita churachikmi atirirka.
Mushuk kullki maruka kay 720 dólar kullkimanta mana kallarinachu kan, shinaka ashatalla chariktami llakichin, kay kamachiyta arinishka kipa, ashatalla charikman, llankakwasikunaman kullkiwan yanapanata charin nirka. Shuktak kamachiy killkakkunaka 1000 kullkita, 1500 kullkita, 2500 kullkita hapikmanta kallarichun mañarka, chay 30 waranka kullkita hapikkuna yallita churachun mañarka.
Atinakuypi pacha, wakin kamachiy killkakkuna, chay Banco Central del Ecuador kullkiwasipi makita mana satichun mañarka, chay kullkika Gobiernos Autónomos Descentralizados kamaywasikunapak kullkimi kan. Chay kullkita hapikpika, Mamallaktapak tukuy kullkimi tukurinka, rimarka.
Kamachiy killkakkunaka, chay tantachishka kullkika chay Sistema de Salud ukuman yaykurichun yuyayta kurka, chaymanta hapishpa Covid-19 unkuyta harkankapa hampi hillaykunata rantichun, hampikkuna ukllankapa unkuyta harkak hillaykunata rantichun mañarka. Shinallatak chay kullkitaka kapukyay mirarichun, llankaykuna wiñarichun churana nirka, kullki tiyakpika 3 hunu wakcha runakunaman mikunata kushpa yanapachun yuyachirka.
Kay kamachiypi yallik Mamallakta pushak, kipapushak kullkita kunankama hapikushkata kichuchun kay kamachiypi killkana nirka. Esta llaktapi mitachikunata anchuchina, chayka llaktay llankaymanta churashkashkallami kan, mana kamachik llankaychu kan, yanka kullkita tukuchin, rimarka. Kay rimanakuyka wacha puncha, 09h00 sayllamanta kutintak kallarinka.
SV/cz/jc-kichwa
