Kay Mamallakta Tantanakuy chusku kutin tantarishpa Apoyo Humanitario kamachiyta kallari atinakuyta tukuchirka, kay utka kamachiytaka Mamallakta Pushak kachashkami kan, ashtawankarin kullkimanta rikunata charin.
Kay atinakuykunapi 104 kamachiy killkakkuna rimayta charirka, paykunaka alli kamachiy killkarichun yuyaykunata, rikuykunata churarka.
Kay atinakuy ukupi Mamallakta Tantanakuy alli kamachiyta killkashpa arininka nirka.
Shinallatak kapukyachikkuna, llaktayukkuna, runa tantarikuna, shuktakkunapash rimayta charirka, tukuymanta tantarishpaka 88 runakuna shamurka. Kamachiy killkakkuna tukuykuna shuklla yuyayta charishpa Mamallaktapak unkuy llakita anchuchishun nirka.
Kay atinakuy tukurikpi, César Litardo Caicedo, Mamallakta Tantankuyta Pushak, kamachikkuna, kamachiy killkakkuna, tantarikuna, shuktakunapash mushuk yuyayta churashka, rikuyta churashka unkuy llakita, kullki llakita harkankapa, alli kamachiyta killkankapa achkata yanapanka nirka. Kay kamachiyka Mamakamachiy rimashkata, churashka nikikunawan kimirinka.
Kamachiy killkakkunaka, Ecuador llaktapi kawsak runakuna Mamallaktapak nanarita rikushpa tukuykuna yanapachun mañarka “tukuykuna wamanita churachun nirka” shinami Mamallaktapak llakita allichichun, tukuyna hawaman llukshichun nirka. Kullkiwan yanapaykunaka asha asha katichun nirka, mayhan yallita charik, yalli kullkiwan yanapachun nirka.
Sapan kikin runakuna, awllikkuna, llankayman kimirishkakuna, mana kimirishkakuna, killapi 1000 kullkita hapikkuna, 2000 kullkita hapikkuna yanapay kullkita churachun mañarka. Kikinllatak llankakkunaman wakin killakunata shuyachun mañarka.
Shuktak manyamanta rikushpaka, Ista manukunata Mamallakta mana kuchun, Servicio de Rentas Internas kullkita kuchun, shukpaklla kullkiwasi yanapay kullkita kuchun, kayna wata hatun llankakwasikunamanta kullkita mana hapishlkamanta, kunanka 25 % patsakri kullkita tikrachimuchun marka.
Kay atinakuy tukuripi, kaya, 5 puncha, 08h30 sayllamanta Comisión de Desarrollo Economíco tantari, kayman yaykurishka kamachiy killkakkunata kayarka. Kay 55 yupay rimanakuypi Mamallakta Tantanakuy hunta atinakushka nikikunata rikunka, shinami kay kamachiy ishkayniki atinakuyman yaykurinka.
SV/cz/jc-kichwa
