Kay Régimen Económico Minkarishka, kay wanra 5 puncha aymuray killa, 09h00 pacha tutamanta, videoconferencia rimanakuypi, Mamallakta Tantanakuypak 667 niki rimanakuypi 33 yuyaykuna tantachishkata allichishpa kallarinkakuna, kay yuyaykunaka Ordenamiento de las Finanzas Públicas kamachiy ruranapak Llakta pushak kachashka killkata shuk niki rimanakuypimi rikurirka.
Kay Orgánica de la Función Legislativa kamachiypak 62 niki killka ninmi, Mamallakta Tantanakuypi rimanakuy wichkarishka chusku puncha kipami, Minkarishka shamuk ishkay niki rimanakuypak killkata chayachinka. Kayshina mañaykunaka Llakta pushak kullkimanta utkashpa ruranapak chayachishka killakunapakmi kan.
Shinaka, Kamachiy ruranapak Mamallakta Tantanakuypak shuk niki rimanakuypi yuyaykunata kamachik killkakkuna chayachishkatami tantachishpa allichina kan, tukuy chayachishka yuyaykunata allichishpa killkashpami shuk kamupi Mamallakta Tantanakuyta pushakman chayachinka.
Shuk niki Rimanakuy
Mamallakta Tantanakuypi ishkay kutin rimanakuypi, 1 chaska puncha, 3 inti punchami shuk niki rimanakuypi paktarirkakuna. Mamallakta Tantanakuyta pushak, César Litardo Caicedo, tukuy killkarishka kamachi killkakta rimachirka, paykunami kay Ordenamiento de las Finanzas Públicas kamachiy ruranapak yuyaykunata riksichirkakuna, kay yuyaykunataka Régimen Económico Minkarishkami tantachirka.
Rimanakuypika, Minkarishkata pushak shinallatak kay kullkimanta utkashpa rurana kamachiy killakta riksichik, Daniel Mendoza, chayachishka killkata allichinapak rikuchishkatami paktashun shinallatak utkashpa ruranapak yuyaykuna mana paktarishkatapash anchuchishun nirkami. Minkarishkapi llanka runakunaka tukuykunami Gobiernos Autónomos Descentralizados shinallatak Seguridad Social tantanakuyta mitsankapak yuyaypaktarinchik, nirkami.
JLVN/cz/cg-kchw
