Kay Comisión Ocasional tantari, wawakunapak, imikunapak llakikunata riksinkapa kunan puncha tantarinka, 08h00 sayllamanta rinamkuy kallarirka.
Chaypimi mayhan kamaywasita kay llankayta hapikta rikunka, kay kamaywasimi imilla huchata charikpi imashina, allichinata wanachinata rimanakunka.
Sarun, ayriwa killa, 23 puncha rimankuypi, kamachiy killkakkuna kay Sistema de Protección de Derechos de Adolescentes hawa chikan chikan yuyaykunata churarka.
Kay llakita allichina, huchata charikpi imashina wanachina, mayhan kamaywasi rikuna kak mana achiklla sakirika, kaytami kunan rimankuypi churanka.
Kamachiy killkak Gloria Astudillo, imillakunapak llakitaka Ministerio de Inclusión Económica y Social (MIES) kamaywasi rikuchun yuyayta churarka, chaypak Imillakunata Rikuk ukuta wiñachina, paymi wawakunapak imillakunapak huchata, llakita, wanachinata rikunka nirka.
Kutin Franklin Samaniego kamachiy killlkakka, kay Servicio Nacional de Atención Integral a Personas Adultas Privadas de la Libertad y a Adolescentes Infractores (SNAI) kamaywasipak llankayta sinchiyachina, Kamachiywan imashina kay rimashka kamaywasi llankana alli akllashka ñankunata churana, rimarka.
Kamachiy killkak Verónica Arias, wawakunapak, imillakunapak llakitaka ayllupi, ayllullaktapi, tantarikuna yachachishpa, alli yuyayta kushpa allichina yuyayta kurka. Kutin Brenda Flor, Gabriela Larreátegui kamachiy killkakkunaka Mamallakta ama ashtawan achka kullkita churachun, kunanpi tiyak wallpata ama mushukyachina, kunan kullki llakimanta, kullki mana tiyan nirka.
Imillapak llakita imashina allichinata kay Mesa Ocasional de la Niñez y Adolescencia tantarimi rikunata, allichinata charin nirka, paymi imillawan hatun hucha tiyakpi wanachinata kay Kamachiypi killkanata charin nirka.
JLVN/cz/jc-kichwa
