Kay Comisión Ocasional que trata temas de Niñez tantari, kamachiy kilkak Encarnación Duchi pushashka, chay Sistema de Responsabilidad Penal de Adolescentes y Justicia Especializada hawa rimak kamuta rimashpa tukuchirka.
Chaytaka Reforma Integral al Código de Niñez y Adolescencia kamachiyta, Mamallakta Awlli allichishka kan.
Kay Servicio Nacional de Atención Integral a Personas Adultas Privadas de Libertad y a Adolescentes Infractores (SNAI) kamaywasi rimana asha sirirka, kay kamaywasimi huchayuk imillakunata imashina allichinata, yuyak runakunata yanapanata, wawakunapak hayñita kamanamanta kaypi kak kamachiy killkakkuna rimarka.
Shinallatak, maypimi imillakuna wichkana wasipi kak kushkaman sapan kimsa killapi rikunkapa kishpiychikkuna chayan. Chay wichkana wasipi kak imillakuna yaykuna, llukshina shutita kipuna, paykunapak allikawsay imashina kakta rikisina, warmi imillakuna kakpika, chichu kakta mana kakta taripayta rurana mutsurin, nirka.
Kamachiy killkakkuna, Franklin Samaniego, Gloria Astudillo, Gabriela Larreátegui kimsantin shuklla yuyayta surkurka, paykunaka kay Sistema de Rehabilitación de Adolescentes Infractores llankayta achiklla rikuchirka, SNAI makipi kak, paykuna awki llankayta charishkamanta shukpak makiman mana yallina, kayta Kamachiy killkashkapi yaykurichun mañarka.
Kamachiy killkak, Encarnación Duchi, tantarita pushak, tantariman yaykurishka kamachiy killkakkuna kipa punchakuna achkata llankachun, mutsurikpika hunka tukuri punchakuna sirik kamukunata killkakatishpa llankachun mañarka, shina manarak aymuray killa, 15 puncha chayakpi kallari atinakuyman yaykuchun nirka.
Kamachiy killkak, Encarnación Duchi, kamachiy killkakkunata, shuktak kamachikkunata, tantarikunata, runakunata sumak yuyaykunata churashkamanta shunkumanta yupaycharka. Paykunami imashina Código de Niñez y Adolescencia Kamachiy llukshikta shuyakun rimarka. Ama panta yuyay tiyachun kallari atinakuypak nikikunata allichichun, shuklla yuyay kamu kachun mañarka. Chaymanta kay killapi, kayamanta kallarishpa, kulka, 7 puncha Instituciones Familiares rimak kamuta allichinka.
EG/cz/jc-kichwa
