Kay Comisión de Desarrollo Económico tantari, kayna chishi, tutapash Apoyo Humanitario kamachiypak Contribuciones Temporales y Únicas, Cuenta Especial de Asistencia Humanitaria e Impulso a la Economía nikikunata rimanakurka.
Manarak 3 nikita atinakushpa, kay Contribución Humanitaria Temporal sobre Ingresos de Personas Naturales killkawan kimirikta rimarka.
Chaymanta, tantarita pushak, ashalla kullki charikta, punchanta katushpa charikta yanapachun, tukuy chaypi kak kamachiy killkakkunata mañarka.
Shinami wakin kamachiy killkakkunaka killapi 4500 kullkita hapikkuna yallita yanapachun mañarka, chaytami achkata atinakurka.
Shinallatak chay yanapana maruka killapi 1000 dólar kullkita hapikkunamanta kallarichun yuyayta kurka, kay mashnaykunata rikushpa Mamallakta Hunta atinakuy shuklla mashnayta yanapay kullki kallarinata churachun yuyarirka. Shuktakkunaka chay kullkita kamachun minkana nirka.
Shuktak kamachiy killkakkunaka llaktayukkunamanta, llankakwasikunamanta ña mana yalli kullkita pallana, ashtawankarin paykuna llankayta wiñachicun kullkita kuna mutsurin nirka. Llankakwasikuna kullkita mirachichun kullkita yaykuchina mutsurin rimarka. Kikinllatak llankakkuna 2019 watapi churashkata mana kuchun, kay 2020 wata churashkata kuchun mañarka.
Shinallatak shuktak manya llankaykunamanta kullkita pallachun mañarka, chayka SRI kamaywasi pallashka kullkita yanapay kullkiman kuchun yuyayta kurka. Chay kullkika, 1400 dólar hunu kullki yaykurinka, rimarka.
Kamachiy killkak Doris Soliz llankakwasikuna, paypak llankaymanta mirarishka kullkimanta 2 % patsarik kullkiwan yanapachun mañarka, achkata charikkunapash yanapachun mañarka, kay yuyayta, chaypi kak kamachiy killkakkuna 7 apuchiwan arinirka.
SV/cz/jc-kichwa
