Kay Soberanía Alimentaria y Desarrollo del Sector Agropecuario y Pesquero Minkarishkata pushak, Lenin Plaza Castillo kamachi killkak pushakuk, kay chaska punchami, Hong Kong, China llaktapi tiburón chalwapak rikrata hapishka, Ecuador llaktamanta shinami nishka chaytami riksinkakuna. Kay minkarishkapimi paykunapak kamaypi paktashkata katishpa riksinkakuna.
Yuyarinkichikmi, kayna chillay 6 puncha aymuray killami ista llakta willaykunapi, tiburón chalwapak rikrata 26 toneladas tuputa hapishka, shinaka 38 500 wiwakunapak shinami kan ishkayshina wiwakunamanta, chaytami Hong Kong, China llaktapi hapishkakuna. Ishkay hatun isankipi kay wiwapak rikrakunaka Ecuador llaktamanta chayashka shina rikurin, nin.
Kay South China Morning Post willachishkapi rikushpa, kay ishkay isankikunaka kulla killa 2020 watami chayashka, shinapash kay kipika 28 puncha ayriwa killa shinallatak 4 puncha aymray killami rikurishka, kay aduanas chapakkuna rikuyta kallarikpi.
Kay rikrakunaka tiburón zorro shinallatak sedoso chalwakunapakmi kan, ukllashka wiwakunami, aduanas chapakkuna willashka.
Kay rimanakuypika, Minkarishka runakunaka kay tiburón chalwata imashina hapishka shinallatak China llaktaman imashina kachashkatami riksinkakuna, mayhan llankay wasikunata chaparanapi llankakun shinallatak kay kipika imashina kay llaktaman chayashkapash, paktarishpaka, mayhankuna rikuna charishkatapash riksinka. Shinallatak kay llankaykuna rikunata charik pushakkunatapash kayachinashinami rikurin, ninmi.
Soberanía Alimentaria Minkarishka telemática rimanakuypi kaya chaska 8 puncha aymuray killa, 10h00 pacha tutamantami rimanakunka.
EG/cz/cg-kchw
