Mamallakta Tantanakuypak Comisión Ocasional que atiende temas y normas de la Niñez y Adolescencia tantari, Encarnación Duchi kamachiy killkak pushashka, kunan Chaska pucha, 14h00 sayllamanta, Libro I de Principios, Derechos y Garantías hawa rimak kamuta allichinka.
Kay kamupika kari, warmi wawakunapak, imillakunapak hayñita ukllachun yanapanka, kaytaka Mamakamachiy, runahayñi istahillaykuna riksishkami kan.
Kay llankayta minkashka kamachiy killkakkunaka 100 nikikunata achkata atinakushpa, mushuk yuyaykunata churashpa allichirka.
Paykunaka tukuy kamachiypak nikikunapi mushuk yuyaykunata churarka, shinapash wakin nikikunaka allichina sakirirka.
Llakirishka wawa, imilla ayllupi, ayllullaktapi allirichun, alli yuyaykunata yachachun rimak nikikunami allichina puchurka, paykunami wawakunata, imillakunata allichinata charishkata riksina kan.
Shinallatak, kari warmi wawakunapak, imillakunapak hatun kallarikunata takak kamachiy tiyakpika, wawapak hayñita yachak kamachikkuna, kamak kamachikkunami utkashpa wawapak hayñi kamachiywan harkana kan, runa ayllullaktapak paktakaykunawan, yachaykunawan harkana kan.
Shinallatak, kari kashpa, warmi kashpa hayñita charishkata riksina kan; tukuylla llaktaypi kana hayñitapash riksinami kan; kishpiyrishka rimana hayñita riksina kan; tisiku wawakuna, imillakuna, runallaktamanta kari warmi wawakuna, imillakuna rimayta charina hayñita charikta riksina kan, shuktak hayñikunatapash minkashkakunami kamachiypi killkana kan.
JLVN/cz/jc-kichwa
