LLaktayuk mañashkamanta kay unkuy llaki punchakuna sobrefacturación zirmamanta chaninapi rikurishkata yachankapak, Gobiernos Autónomos Minkarishka, Héctor Yépez pushakuk, Gabriel Bolívar Lucio runa, Agencia de Regulación y Control de Electricidad (Arconel) tantanakuyta pushak; shinallatak Diego Maldonado runa, gerente General subrogante de la Corporación Nacional de Electricidad (CNEL EP) tantanakuy pushakta chaskirka.
Arconel tantanakuyta pushakka, kay llaktapi estado de excepción kallarishka kipa tawka yanapaytami kallarichirkanchik, ashtawankarin, wakcha ayllukunapak nirkami. Kallaripika, wasipi kawsaynaka ashtawanmi zirmata tukuchinka, chaymantami, allí rikushka yuyarishka kipaka, kawsanapak wasikunapi zirmaka, kay tarifa de la dignidad shutipi riksirishkakuna, kilovatio hora killapika 0,04 centavos de dólar chanipilla paktarichun yuyarishkanchik.
Ashtawanpash kimichishkanchikmi kay llakta ayllukunaka pawkar, ayriwa killata ama chanichun shinallatak sitwa killamanta chanita chayachichun yuyarishkanchik, 12 killakunapi rakishpa, mana wawakullkita chayachishpa. Kay yanapayka tukuy llaktapi shuk hunu chawpi yalli ayllukunamanmi paktan. Shinallatakmi uchilla mintalakman, llankay wasikunaman, makiwan rurak ayllukunamanpash chayachishkanchik, paykunapash 12 killapimi chanita chayachinkakuna, nirkami.
Shinallatak, wakin ayllukuna zirmamanta mana chaninata ushakpika chayachinata mana harkashunchu, pawkar, sitwa killa mana chanina ushaska kakpika shamuk killakunapi rakishpa chayachishunmi yuyarishkanchik; shinallata, wakin wasikunami mashna zirma tukuchishkata mana rikuy ushashpaka, kay (La Ley de Defensa al Consumidor) kamachiy rikuchishkata katishpa ñawpa killakuna tukuchishkata shinami paktashun, kaypika kay puchukay 6 killapi imashina tukuchishkata rikushpami rakishun. Kay chaninaka kutinpash pakta rikuranapakmi kan, pakta pankakunata chayachikpi chimpapurashpa.
Shinallatak, Diego Maldonado, de CNEL tantanakuymanta runaka, kay unkuy llaki punchakunapi tukuy mintalay llankaymanmi zirma chayachun rikurashkanchik. Kay Comité de Operaciones Emergentes (COE) nacional mañashkata kutichirashpa, ashtawankarin, Guayaquil llaktapi. Kay rikuykunaka Corporación Nacional de Electricidad tantanakuy zirmata ama chichuchun shinallatak chanina ushayta charikkunaka kullki chayachichun, llankaykuna pakta katichun, nirkami.
Shinallatak, wasinta rikushpa mashna zirma tukuchishkata yachankapak llankay paktanapakmi allichikuchik, kay kullki chanika pakta zirma tukuchishkawan allí chimpapurachun. Chaywanka, yuyashkallamanta chaninata yallishpa wasi pakta zirma tukuchishkata riksinkapak. Yuyashkallamanta chanina panka tiyakpika, pakta tukuchishka yalli kachun, chay pachallatak, shamuk killakunapi chanita ashayachinapak sakirinka, ama wakllichiyman pakankapak, nirkami.
Kamachi killkak tapushka
Héctor Yepez kamachi killkak, kay llaktapi kilovatio mashna chaniman paktashkata tapurka, mashna mintalay wasikuna,ayllukunatak kayshina shamuk killapi chaninapak killkarishka, llankana ukukunata rikuna, zirma tukuchiypi llaki tiyakpi imashina allichinatapash tarpurka. Shinallatak Wilma Andrade, ima yachaypi kimirishpatak 6 killata rikushpa chaninapak yuyarishkankichik, kapak killaka yallitak zirma tukuchishka killami shinallatak kimsa killatalla rikuchun, kayshina allí chaniman paktankapak, nirka.
RSA/ea/cg-kchw
