Kay Comisión de Desarrollo Económico tantari Apoyo Humanitario para Combatir la Crisis Sanitaria Derivada del COVID-19 kamachiy ishkaykutin atinakuyta charichun achkata atinakurka.
Atinakushka kipaman 8 apuchiwan arinirka, kay kamachiyka Mamallakta Pushak kachashkami kan.
Kamachiy killakak, Esteban Albornoz tantarita pushak, kay kamachiyta arininkapa chusku atinakuyta charishkanchik nirka.
Chaymanta, chaypi 283 rikuykuna tiyarka nishpa riksichirka: kamachiy killkunaka 160 rikuyta churarka, tukuylla llankakwasikuna 19 rikuyta churarka, shukpaklla llankakwasikuna104 rikuyta churarka nishpa willarka.
Tantari ukupin hatun yuyarikunaka, Covid-19 hatun unkuyta takankapa, kullki llakita allichinkapa Ecuador llakta shuk kamachiyta mutsukta rimaymi karka. Kay kamachiy kullkita chinkakkunaman kullkita chayachinkapa achkata yanapanka nirka, chaymanta Tantarika, wakin nikikuna panta kakta allichishka kamachiyta Mamallaktaman charichinchik, rimarka.
Minkashkakuna atinakuypika zirmanta ushaymanta maru kullkita ashyachina, kullkiwan wasita mañachikkuna ashalla kullkita kunata churarka, tiksi mitachita mana mirachina, kay Instituto Ecuatoriano de Seguridad Social chutachina, kullki mirarichun kullkita mañachina, kullkiwasikunaman kullkita tikrachina punchakunata Mamallaktapi kutin wallpana tupukunata churarka.
Kay kamachiy ishkaykutin atinakuyman yaykurichun tawka mushukyarikunata rurarka, ashalla pachapak shuktakyayta ashtawankarin rurashka, chayka 2500 dólar kullkita hapikkuna yanapay kullkita kunka, 720 kullkita hapikkunaka mana kuchun yuyarirka.
Kay 5% patsakrita llankakwasikuna kullkita yanapayka 2 hunu 500 waranka kullkita charikmanta kallarinka, imashinami Mamallakta pushak nishka shuk hunumanta mana kallarinkachu, chaytami tantariman yaykurishka kamachiy killkakkunaka rimanakurka.
Kay Kamachiypak 5 nikipi, llankakwasikuna, sapalla runakuna kullkita chay Paraísos Fiscales kullkiwasipi kullkita charikkuna, kay Ecuador llaktapi achka allpata, wasikunata charikkuna, shukkutinlla 2 % patsakri kullkita kunka, imashina churashka kullkipak kipukupi 2020 wata tiyakta kuchun yuyarirkakuna.
Kutin, Ashalla llaktay tantaripak kamachiy killkakuna, imashinami: Guillermo Celi (Suma) kamachiy killkak; César Rohon (PSC) kamachiy killkak; Homero Castanier kamachiy killkak, Fernando Callejas (CREO) kamachiy killkak paykunapak apuchita shuyachirka, paykunaka shuk willayta churashun rimarka.
SV/cz/jc-kichwa
