Mamallakta Tantanakuy kullkita llakita takankapa utka kamachiy chanishkata arininka, chayka sobre Apoyo Humanitario y de Ordenamiento de las Finanzas Públicas shutitami charin.
Mamallakta pushak kachashka kamachiyka kamachiy killkakkunapak achka rikuykunata chaskirka.
Chaymanta ishkaykutin atinakuyman chayachunka ukumanta allichirinatami charirka, chaymi alli kamachiy llukshinka. Shinami shamuk hunka 11 punchamanta, 15 punchakama Mamallakta Tantanakuy arininka, chaymanta Mamallakta pushakpak makiman lkachanka.
Kay Comisión de Desarrollo Económico llankashka Apoyo Humanitario kamachiyka wakcha hatun unkuywan llakirishka runakunaman kullkiwan yanapankapa Kamachiymi kan. Chay kullkika achka kullkita, allpata, kullkiwasita, llankakwasita, kapukyachikwasita charikkunamantami shamunka. Chay Servicio de Rentas Internas (SRI) kullki tantakwasiman charikkuna churashkakullkita mana kushkamantapash shamunka..
Kay Ordenamiento de las Finanzas Públicas Hatun kamachiyta Comisión de Régimen Económico achkata allichirka, shina Mamakamachiywan runakunata kikinllatak kamaypi mana takarichun allichirka. Shinallatak Gobiernos Autónomos Descentralizados (GAD) kamaywasiwan, Contraloría kamaywasiwan, Fiscalía kamaywasiwan Ministerio de Finanzas kamaywasiwan ama takarichun allichirka. Kay tantashka kullki ama shukpaklla makipi ñitirichun mañarka.
Allikawsaymanta minkakshka: kay killa, awki, 11 puncha, Juan Carlos Zevallos, Ministro de Salud kamachikta chaskinka, payka llankaypi imashina sumakruray, amawta yuyayta rikuchinka.
Shinallatak, kay wanra, 12 puncha, Jorge Wated, Directorio del Instituto Ecuatoriano de Seguridad Social (Iess) pushak riksichishkata uyanka; chilla, 13 punchaka allikawsaypi llankakkunata chaskinka, paykunaka: Covid-19 unkuyta harkankapa imashina runakunata pakakukuchishpa, karuyachishpa llankakushkata riksichinka.
Shinallatak, unkuymanta, kullki llakimanta: Gloria Astudillo, Grupo Parlamentario por la Garantía de los Derechos de Niños, Niñas, Adolescentes y Jóvenes tantarita pushak rimanka; Virginia Murillo, Infantil - DNI Internacional llankayta pushak rimanka; Gabriela DÁmbrocio, Universidad Indoamérica yachachik rimanka.
Shinallatak katikpika, Bryan Vinueza, Federación de Organizaciones Comunitarias de Imbabura del Consejo Consultivo Provincial de Niñez tantarimanta rimanka; Berenice Cordero, Inclusión Económica y Social yallik hatun kamachik rimanka; Juan Martínez Pérez, Tejiendo Redes Infancia pushak rimanka; Nicky Bravo, Movimiento Social por la Niñez y Juventud de Ecuador pushak rimanka. Shinami tukuy kaypi kakkuna llakikuna hawa rimayta kurka.
JLVN/ea/jc-kichwa
