Mamallakta Tantanakuyta pushak César Litardo Caicedo Ordenamiento de las Finanzas Públicas kamachiyta ishkakutin atinakuyman kamachiy killkakunata kayarka.
Chaymanta kaya puncha, 12 puncha, 17h00 sayllata rimanakuy kallarinka. Kay kamachiyka kullki utkamachiy rikuyta charin, kay kamachiyta chay Comisión de Régimen Económico tantari killkashkami kan.
Kay kamachiytaka runakunawan, Mamallaktapak kamaywasikunawan, llaktakunawan rimashpa killkashkami kan.
Minkashkami Mamakamachiywan takarik nikikunata allichishpa killkarka, mushuk kamachiyka runakunata kamankapa, chay Gobiernos Autónomos Descentralizados (GAD) kamaywasita yanapankapa kan, shinallatak tukuyllapak kullkita alli llankachinkapa, Ministerio de Finanzas kamachik allita llankachun yanapanka.
Kay Ministerio de Energía y Recursos Naturales no Renovables kamaywasiwan, Procuraduría kullki tukurishkata chapak wasiwan kimirishka llankachun mañan. Kay punkarata katushpa chay kullkiwan imashina llankanata, punkara katuna chani ama urayachun yanapanka.
Kay Presupuesto lo General del Estado (PGE) hatun kullkimanta rimashpaka, minkashka kamachiy killkikunapak yuyaypika chay Ministerio de Finanzas kamaywasimi maykama chayana kullki masmata, mashna kullkita llankaykunapi tukuchinata churanata rikunka nirka. Kay sapan hatun kamachikpak patakunami rikunta charin nirka.
Ashtawankarin, GAD kamaywasi, paypak Plan de Ejecución de Obras llankayñanta charina kan, chaywan Mamallakta kushka kullkita llakita charikpi alliyachinka. Kay kamachiywan Mamallakta Tantanakuy Presupuesto General del Estado hatun kullki maruta allichichun ñanta kunka. Mintalaykunapak kullki chayachun zirma rurashkapampata charichun mañan, chaywan kullkita achiklla kamanka, rimarka.
JLVN/cz/jc-kichwa
