Kay Soberanía Alimentaria Minkarishka, Lenín Plaza pushakuk, kay Hong Kong llakta pushakkuna 26 toneladas tupu tiburón chalwapak rikrakunata hapishkata ñawinchiyta kallarirka, Ecuador llaktamanta shamushka shinami kan, nirka. Kay virtual rimanakuypi awaki tutamanta paktashkapi rimanakurka.
Chaypakka, Viceministerio de Acuacultura y Pesca pushak; Servicio Nacional de Aduanas del Ecuador (Senae) pushak; shinallatak, Dirección Nacional de Espacios Acuáticos pushakkunatami chaskirka, paykunaka llaktapushakmi Cancellería tantanakuywan, Hong Kong llakta pushakkunata willayta chayachichun mañashka, kaywanmi pikuna rikuna charishka, yanashkata riksinka shinallatak wanachina kakpipash wanachinka, nirkami.
Plaza runaka kayachishkata willarka, shuk rimanakuyman, Relaciones Exteriores y de Ambiente pushakkunata taripankapak, kaypimi imashina paktashkata shinallatak mutsushka willaykuna mashna pachapi chayamunata shinallatak ista llaktamanta mitanalapak pankakuna charishka mana charishkatapash willanka.
Andrés Arens, viceministro de Acuacultura y Pesca pushak, nirkami, willaykunata riksishka kipa, ka y6 puncha aymuray killa, Carlos Larrea, embajador acreditado China llaktapi runata ñukatak kayarkani, shinallatak Ministerio de Producción pushakka, Cancillería runata Hong Kong llaktata kayshina llakimanta riksishka willay chayachichunmi mañarka, mayhankunata kayshina llakichiypi rikurishkata yachankapak, imahan wampuk antatak apashka, shuktak taripaykunatapash.
Kay willaykunawan, trazabilidad paktayta rurashun, Ley de Pesca kamachiyta katishpa, kay kamachiyka tiburón chalwata hapinata harkashkami kan. Makiwan chalwata hapikkunaka indicental rikurikpimi hapin, anzuelos tullupi, linchikunapi pillurishpa sakirikpillami hapinkuna.
Shinallatak, Lenín Sanchez, Director Nacional de Espacios Acuáticos pushak, kay tiburón chalwapak rikra 26 toneladas tupu kipita hapishka rishkatallata willarka, kayshina taripanaka Subsecretaría de Recursos Pesqueros pushakkuna, Servicio Nacional de Aduanas y el Ministerio de Transporte pushakkunami taripana kan, imashina kay charina llaktamanta llukshishka, imalla mintalashkata riksinapak, nirka.
Shinallatak, María Alejandra Muñoz, directora del Senae pushak. 2019 watamanta kay punchakama 142 toneladas tupu tiburón rikratami istallaktaman katushka rikurin, chaymantaka llaktapak 4 hunu 920 waranka dólar kullkimi llaktaman yaykurka, Perú llaktamanka (4 hunu 550 waranka dólares yaykurka) shinallatak Hong Kong (370 waranka dólar).
Shinaka, huchachishkapi, imashinalla paktashkata achikllata yachankapakka, Aduana de Hong Kong llaktamanta mashna contenedores chayashka, imalla charinawan yaykushka, shinallami mayhanta chaparashkata, maypi killkashkata riksichun, shinallatak shuyukuna rikuchik tiyashkata willachun, kay willaykuna mana paktashinami kan. Kashina riksinaka Ecuador llakta kayshuk suyu llaktakunawan willayta chimpanchi tiyakpimi allí kanman, shinapash Organización Mundial de Aduana tantanakuytami yanapachun mañashkanchik, nirkami.
MG/cz/cg-kchw
