Kay Sistema Nacional Descentralizado de Protección Integral de la Niñez y Adolescencia tantanakuyka shinami makipurashka llankan, paykuna paktanawan, shinaka kari warmi wawakuna wamrakunapash hayñiman pakta chayachun rikuranka; chaypakka, Wawakunata rikuk Minkarishka nirkami mana shik wankurilla tiyanchu kay Consejo Nacional tantanakuypi llaktayukmanta rimachun.
Kay rikuypika, kamachi killkak runakunaka Consejo Nacional para la Protección de Niñas, Niños y Adolescentes kay wankuriyka 10 tantanakuymanta akllashka runakunawanmi paktarina kan, kari warmi yaykurishpa, llakta pushakmantapash shinallatak llaktayukmantapash kayshina ayllukunata rikuranapak. Mashkakunmi suyu llaktakunapi kari waripash pakta yaykurishpa llankachun.
Kamachi killkakkunaka kay Consejo Nacional tantanakuy pushanapak killkakamayuk yaykunapak imalla mutsurishkatapash rimanakurka, shinaka nirkami psicología, , derecho, trabajo social, pedagogía, sociología, antropología shinallatak shukta áreas afines yachak, suman yachana wasipi kimsa niki yachayta charikmi kana kan; wawakunamanta wamrakunaman chusku niki yachashkata charina; wawakuna wamkrakunapak hayñita ukllaypi pichka wata llankayta charinapash.
Shinallatak, wasi ayllupi yuyashpa llakichishkamanta wanachinapak kamay paktashkata, shinallatak llakta pushaypi llakichishkata, wawakunapak mikuna chayachina mana kipayashka kana, runapak kawsay, warmi kari, runa ayllupura kawsana hayñita riksina llankashkata cahrinapash.
Ashtawan rimanakushka yuyayka kay Secretario del Consejo Nacional para la Protección de Niñas, Niños y Adolescentes tantanakuyta pushanaman yaykunapak partido político wanurishkaman kana mana kanatami sinchiyta rimanakurka shinallatak shuk wata ñawpa mana kimirishka kana. Kay yuyataka rimanakushpa katikunrakmi.
Minkarishka kamachi killkakuna kama wanra punchami rimanakunka, ishkay virtual tantanakuypi. Kallaripika, 14H00 pacha chishipak kayachishka, Coalición Contra el Abuso Sexual a la Niñez (Cocasen) tantanakuy kay Libro III del Sistema Nacional Descentralizado de Protección Integral de Niñez y Adolescencia kamupak Código de la Niñez y adolescencia kamachiy mushukyanapak Defensoría Pública del Ecuador tantanakuymanta rikuchishka.
Shinallatak 14h20 pachapak rimanakuyka, minkarishka ayllukunaka kay Libro III kamupak niki killkatami rimanakushpa allichinkakuna.
JLVN/cz/cg-kchw
