Mamallakta Tantanakuy Finanzas Públicas kamachiyta 135 kamachiy killkakkunawan, César Litardo Caicedo Mamallakta Tantanakuyta Pushawan karumanta rimashpa ishkaykutin antinakuyta kallarirka.
Chaymanta, kay kamachiytaka Mamallakta Pushak ayriwa killa, 16 puncha kullkita charinka utka rimanakuchun kachamurka.
Kay tantaripi Comisión de Régimen Económico runakuna, tukuylla, shukpaklla kamaywasikuna, kamachikkuna kulli hawa churashka yuyaywan allichishkata rimanakurka, chay rikuykuman, mushuk yuyaykunawan Mamallakta Pushak killkashka 80 % nikunata allichirka.
Mamallakta Tantanakuy, Oswaldo Jarrín, Ministro de Defensa kamachik rimashkata, Consejo Directivo del Instituto de Seguridad Social de las Fuerzas Armadas (ISSFA) pushak rimashkata uyarka, paykunaka Ordenamiento de Finanzas Públicas kamachiypak: 2, 3, 6, 16 nikikunamanta, kawsaykamaypak kullkita kamanamanta, Mamakamachiyta sumaychanamanta rimarka.
Kay mushuyachishka kamachiyka, llankayñanwan, kullki tiyaywan kimirishpa ima llankaykunata ruranatami rikuchin nirka, mashna kullkita yaykuchina, mashna kullkita tukuchinata rikuchin, rimarka. Llaktayukkukuna imashina kay tukuypak kullkita alli tukuchikushkata rimarka.
Kay kamachiyka chay Ministerio de Finanzas kamaywasi, Mamallaktapak kamaywasikunapak llankayta ama llakichichun mañan, kayka Mamakamachiy kayashkami kan, chaymanta Gobiernos Autónomos Descentralizados (GAD) kamaywasipak runakunata kamay llankaykunata mana llakichinka, hatun Kamachik GAD kamaywasipak kullkita mana hapichun harkan.
Shinallatak kay Cartera de Finanzas hatun kullkikunata charinkapa, kullki marukunata mushukyachinkapa, sinchiyachinka chaypi kashpa sinchiyachinka, hatun kullki marutaka Banco Central kullkiwasiwan rurashpa kachanka, chaytaka ayriwan killa 15 punchakama chayachinka. Kay nikikunata, shuktakkunatapash Minkkashka kamachiy killkakkuna allichishpa katinka.
JLVN/cz/jc-kichwa
