Kunan tutamanta Mamallakta Tanatanakuy Apoyo Humanitario kamachiyta ishkaykutin atinakuyta kallarirka, kay kamachiytaka Mamallakta Pushak kachashkami kan.
Chaymanta, kay kamachiywan Crisis Sanitaria Derivada del Covid-19 hawan llankashpa harkanka. Chaypak 137 kamachiy killkakkuna paykunapak yuyayta churarka.
Kamachiy killkakkuna Comisión de Desarrollo Económico tantarti killkakatishkata uyarka, tawka kamachikkuna, tantarikuna, yachak runakuna, 283 rikuykunata churarka.
Shinami: kamachiy killkakkuna 160 rikuyta, tukuylla llankakwasikuna 19 rikuyta, shukpaklla llankakwasikuna 104 rikuyta churarka, chaykunawan kay kamachiy killkarinka.
Kay mushukyaykunaka kikin runakunata ashalla pachapak kullkiwan yanapay maruwan kimirin, kay kamachiy ña arinirishka kipaka 2500 waranka dólar kullkita sapan killapi llankashkamanta hapikkunami kunka. Shinallatak 2 hunu, 500 waranka dólar kullkita killapi hapikkunami 5 % patsakri kullkiwan yanapanka.
Kay Ecuador llaktapi Paraísos Fiscales wasipi wasikunata, allpata, shuktak mana kuyurikta charikkunami 2 % patsakrita yanapanka. Kutin pawkar, ayriwa, aymuray, raymi killakunamanta zirmamanta killapi kuna kullkimanta 10% patsakrita urayachinka nirka. Shinallatak llankakwasikunaman 1, 2 pichkapi rakishka killakunamanta zirmamanta ashalla kulkita hapinka.
Shinallatak, kay unkuy llaki killakuna tiksi mitachikunamanta kullkita mana wichiyachinka, shinallatak mana kichunka, kay kullkikunamanta mana ñalla hpinka, kipaman chawpishpa hapinka.
Kay willayta tukuyta killkakatishkata uyashpa Mallakta Tantanakuyta pushak, César Litardo Caicedo, rimanakuyta pitirka, kunan tutamanta, 09h30 sayllata pitishka rimanakuyta kutintak kallarirka, kallarinkapa Comisión del Desarrollo Económico y la Microempresa tantarita pushak, Esteban Albornoz rimaywan kallarirka.
SV/cz/jc-kichwa
