Kunan aymuray killa, 15 puncha tutamanta kay Comisión de Niñez y Adolescencia wawakunata, imillakunata takayta rimak nikikunata rimanakurka.
Chaymanta, kaypimi kamachiypak Libro III kamupi sistema Nacional Descentralizado de Protección Integral de la Niñez y Adolescencia hawa mushuk nikikunata, Código de la Niñez y Adolescencia (CONA) kamachiypak ukupi churarka.
Kamachiy killkakkuna, kallaripika CONA kamachiypak nikikunata paktachinamanta rimanakurka, yuyaykunata churarka, arinirka.
Chayka 7, 16 nikikunapi wawakuna, imillakuna takayta harkana nikikunata arinirka, chay llakichishka wawakunata, imillakunata kutintak allichinkapa kuyanamantapash arinirka.
Tantarita pushak, Encarnación Duchi kamachiy killkak, tantari ukupi achkata yaykurishka kamachiy killkakkunawan kari warmi wawakunapak imillakunapak hayñimanta rimanakushkami kan, chay alli yuyaykunata hapishpa alli kamachiyta killkashka kan nirka.
Yachanawasikuna wawakuna, imillakuna kishpiyrishka purina, yachana hawa yaykurishka kamachiy killkakkuna atinakurka, wakin yachanawasipi warmi wamrata yachachishkamanta, yachachik llakin, wawakunata shuwsan nirka, chaymanta Mamallaktapak tukuy yachanawasipi kamachikkuna rikuchun shuk nikita killkarka.
Chaymanta, Consejos Consultivos tantari llakita rikuchun 20 nikita killkarka, shinallatak CONA kamachiy 21 nikiwan Dirección Especializada de Niñez y Adolescencia ukuta wiñachichun, chayka sapan kitipi Sistema de Protección de Derechos ukuta churachun mañarka. Kitipak Gobiernos Autónomos Descentralizados (GAD) municipales kamachik, 200 waranka runakuna kawsakta yupanka nirka.
Rimanakuyta tukuchinkapa, Minkashkata pushak kamachiy killkakuna achkata yanapashkamanta, tantarimanta shamuk runakuna, kamaywasikuna allí yuyayta churashkamanta yupaycharka, shina kay Mamallaktapi alli kamachiy llankankapa tiyarinka nirka.
EA/cz/jc-kichwa
