Mamallakta Tantanakuypi, 72 ari apushitaywan kay Ordenamiento de las Finanzas Públicas kamachiyta arinin, Ana Belén Marín kamachi killkak chayachishkata kimichishpa, kay arinishka killkatami shamuk pachakunapi Llakta pushakman arinichun chayachinka. Shinallatak 63 mana arinishka, ishkay yurakpi apushitashkata paktarka.
Marín, kay Régimen Económico Minkarishkapi llankak, Ordenamiento de las Finanzas Públicas kamachiy rurana killkata mushukyachinapak mañarka, Kay mañashkataka Minkarishkata kipa pushak, Franco Romero kamachi killkakmi hapirka, Minkarishkata minkashpa pushakuk, arininapak ñanta rikuchirka. Kay mañashka hawapimi Franco Romero, kamachiy killkata arinirka.
Mushukyachinapak mañashka killkapika chusku hatun yuyaykunami rikurin. Kay 40 niki killkapi, hampirinapak, yachanapak, kamay paktanapakpish punchanta chayachinapak kullkitaka punchanta yaykuk kullkiwan ancha mutsurikpika mamakamachiy rikuchishkashina paktarina kan, shinapash situación excepcional mañayta arinishka kipa, kayta Llakta pushakmi rikuna kan. “Shinallatak Gobiernos Autónomos Descentralizados tantanakuyta hatun pushakuna nakashpaka Seguridad Social tantanakuyta pushakkunapash; paykuna paktashkapika. Shinallatak seguridad social tantanakuypak consejo directivo pushakkunapash. Shinallatak entidades territoriales llakta pushakkuna”.
Shinallatak kay Disposición Vigésima Octava killkapi, Llaktami kay Ministerio de Finanzas tantanakuywanmi, samakuk ayllukunaman kamachiy rikuchishkamanta punchanta chayachinka, shinallatak Presupuesto General del Estado (PGE) killkapi rikuchishka kanka, chaypakka kullki maymanta chayachinata rikurashpami shutichina kanka.
Chayshinallatak, kay 40 niki killkapika llakimanta harkarikunata churashka, kullki ancha llaki paktakpi, kay mañaytaka Llakta pushakmi riksishka kanka shinallatak Mamallakta Tantanakuymanmi kamachi killkakuna arinichun chayachinka
Shinallatak, kay 5 niki killkapi, kay Presupuesto General del Estado kullkimanta rimakuypi Ministerio de Finanzas tantanakuymi kullki llankay shinallatak kullki tukuchina maykama chayanata rikuchinka, llankay wasikuna mutsushkata chaparashpami katinka, Plan Nacional de Desarrollo llankay, ñawpakman katina, mamakamachiy hayñita paktachinapi ñanta riksichinka. Kay PGE paktarinapak, kay llankayka llakta pushakkunapakmi rikuna paktanka.
Kamachiy
Kay arinishka kamachiypika kay 2 niki killkata kutinpashmi allichin, kay seguridad social tantanakuyka kikin llankayta, kikin charinata shinallatak kikin kullkitami charin nishpa, llaktapak kullchimanta chikan shinaka kay Presupuesto General del Estado kullkipak mana kanchu, llakikunata chimpapurankapak shinallatak Seguridad Social tantanakuy kullkita mañachichun.
Kashinallatak, kay Gobiernos Autónomos Descentralizados (GAD) tantanakuypak, Seguridad Social tantanakuypak, Banco Central del Ecuador shinallatak Banco del Instituto Ecuatoriano de Seguridad Social (Biess) tantanakuypak kikin kawsaytami sumaychan. Kay GAD tantanakuypak shinallatak Seguridad Social tantanakuypak kullkika paykunapakmi llakta kullkimanta chikan, chayamantami kay kamachiyta paktachishpaka llakta pushakmanta kayshina llankaypi mana yaykurana kankachu.
Chayshinallatak, Minkarishkapika seguridad social tantanakuypak kullkitami ukllarka. Tukuy rikuchishka Trigésima, Trigésima Primera y Trigésima Segunda killkapika, llaktaka nimayhan llankay wasikunapak kullkita shinallatak wakichishkata hapinaman mana yaykuy ushankachu, shinallatak paykunapak charishkata mana wakllichiy ushankachu mamakamachipak 372 niki killkapi rikuchishka shina.
Minkarishkapi shuktak mushukyaykunaka allichina paktaykunami shinallatak punkara mintalashkamanta kullki chayachina mana paktarina shinakakpipash imata ruranapak, llaktaman kutichina kullki shinallatak kullki chayachina paktana, imashina kullki tukuchina kamay shinallatak llaktapak kullkiwan mana llankay wasikunamanta, Ministerio de Finanzas informará shinallatak Contraloría General del Estado tantanakuykunami llankashkata rikuranka.
Chayshinallatak, kay rurarina kamachiyka GAD tantanakuyman utkashpa punchanta chayachina, wakinpilla chayachina kullkitapash utkashpa paktachunmi sumaychan.
Chayshinallatak, Ministerio de Finanzas tantanakuyka PGE llankyta rikuchik pankapimi kullki tantachina wakllirikpi yanapana kullkita chayachinapak kamayta watan watan chayachina kan, shinapash tukuy llankay kullkimanta 3% patsakta mana yallinachu kan.
Finanzas tantanakuyka PGE kullki llankay rikuchiyta ashayachiy ushanmi, Seguridad Social tantanakuyta chikanyachishpa, Shinallatak wata llankana pankapi kulli tantachiy shina llata tukuchiytapash 5% patsakkama churay ushanka kay yupayta Mamallakta Tantanakuymi arinina kan, Shinallatak llakta pushak estado de excepción shutichikpi yupaykunapi mana yayku ushankachu. Shinallatak llakta kullki kutichinapipash yupayta tantachishkami shinallatak shuktak kutichinapash 40% patsakta kay PIB yupaymanta mana yalli ushankachu.
Kay Fondo de Estabilización Fiscal wankurita wiñachin kaymi kullki chaskishpa katinata shinallatak llankaywan paktanata sumaychanka, kay llankayka yachaypi, hampinapi paktarinka. Shinallatak seguro petrolero y minero yanapaykunapash punkara shinallatak chuki mintalay wichiyakpi uriyakpipash ukllanka; shinallatak kay Comité Nacional de Coordinación Fiscal tantanakuypash wiñarin kaypika 11 pushakkuantami charinka.
Kay kamachiy llaktata yanapan
Mamallakta Tantankuyta pushak, César Litardo Caicedo, llaktapak ancha mutsushka kamachiykunata llaktayukkunawan rurashkata yupaycharka, kay kamachiyka kullki llankayta shinalaltak Ecuador llaktayukpak kawsaytami allichinka, nirkami.
Nirkapashmi kay Ley Orgánica de Ordenamiento de las Finanzas Públicas kamachiy rurana killkaka chusku hatun yuyaytami charin, shinaka Seguridad Social tantanakuy shinallatak Gobiernos Autónomos Descentralizados tantanakuypak kikin llankayta sumaychanka, shinallatak llaktapak kullkita allichinka, achikyachinkapash shinallatak Ecuador llaktaman ista llaktamanta kullki mañachiy chayamuchun, nin.
Litardo runaka kay Ley de Apoyo Humanitario rurarina kamachiyka ancha mutsurishkami kay kamachiyka wakcha ayllukuna manu kullkita mana chayachinkachu, kullki llankay wasiman kullkita kutichina pachatapash allichinkami, BIESS kullkiwasiwan llankaypak kullkita ashalla wawa kullkipi mañachinka, llaktayukpak zirma chanita ashayachinka shinallatak llankanapak, shuktak yanapaykunapash.
JLVN/cz/cg-kchw
