Kayna iti puncha, César Litardo Caicedo, Mamallakta Tantanakuyta pushak, kay Finanzas Públicas kamachiyta, Apoyo Humanitario Kamachiyta arinirka nishpa willarka.
Kay kamachiykuna runakuna, llankakwasikuna kutintak llankayta wiñachichun yanapanka, shina llaktakunapi kullki wiñarichun tankanka.
Kay Ecuador llaktapi hatun unkuymanta llakikunata tiyakpipash Mamallakta Tantakuy paypak llankaywan punchanta mana shayarishka, llankaykunata, kullkita mirachinkapa ishkay mutsurik kamachiykunata llakta ushayta paktachishpa atinakurka.
Ksy Apoyo Humanitario Kamchiyka llaktayukkunapak kawsayta, llankayta, kullki tiyachun allichinkapa, kawsachinkapami kan. Kay kamachiywan ama ashanka mikuna yalli kullkipi katuchun harkanka. Kay IESS kamaywasi, payman yaykurishka runakuna 60 punchakaman kullki ama kuchun shuyachinka. Allikawsay wasikuna hampita, hampi mitachita kuna, mana harkarinka.
Mamallakta Tantanakuyta pushakka kullkita wiñachinkapa, llankaykunata mirachinkapa mushuk ñankunata churashun rimarka, kullkiwasimanta mañachishka kullkita charikkuna, manu kullkita, wawakullkita mana mañachun, kay kamachiy harkanka nirka.
Shinallatak, kay Kamachiyka llankaykunamanta ama surkuchun, llankaykuna unipak tiyachun yanapanka, llankakkunata llankaypi shutichichun, hampik llankakkunata, hampikkunata yanapashpa llankakkunata, hampina wasipi mitachishpa llankakkunata ashtawan yanapanka.
Kay Ordenamiento de las Finanzas Públicas Kamachiyka Mamallaktaman yaykurik kullkikunata ama yanka tukuchinkapa. Kay Kamachiypak tiksirishpa istallaktakunamanta llankayta mirachinkapa, allikawasyta charinkapa achkata yanapanka. Shina kipaman mikunata, llankayta llaktayukkuna charichun tiksi kanka, Litardo rimayta tukuchirka.
RSA/cz/jc-kichwa
